Dɛnnda cɔɔmuanndan 15:4 - BII BILA

⁴ Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Dɛnnda cɔɔmuanndan 15:4 Iomraidhean Croise

Condii lisai 105:7

Ndu co Mɛlɛka Hala naa ni, ó co yaman kiolɔɔ o lɛŋnden kpow coo-o.

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Condii lisai 22:23

I pialnin diola nɔmndan puapilɛa nia tɛɛn, i lisanin nɔm vannda taw tɛɛn.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Condii lisai 22:3

Kpòkóó Hala nuu! Ipala, i co koŋullo coocoo, kɛ a co ya mulul te. Icɔl vɛlɛ, i mei sondo le, i co somisominndo tuŋ!

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Condii lisai 89:7

Nduyɛ, nɛ̀ɛ́ co yɛ o halataalaa maa Mɛlɛka? Ɔ́ɔ̀ vana siiman a ndu o vanndacieea tɛɛn-ndo?

Condii lisai 97:8

Vannda Siɔn tuɛinin ken mà dɔwnun ɲaale, kobila co o tàndá Yuda-o nin-ndan la naŋnin kɔl le yaman Mɛlɛka kialunin-ndon.

Condii lisai 99:5

La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Esai 24:15

A biilunin vɛlɛ Mɛlɛka nɛɛ ɲɛ-tengaa co biyɔɔ-a, a biilunin diola Mɛlɛka, Hala Israɛlla lan o lɛŋii co o mɛmma ihɛllan tɛɛn-nde nin.

Esai 25:3

Lelan vanaa-mangalaa-isɔaa kpaayaa co nɔm biiloo ni, kobila kpaayala vanaa súúla celeŋaa nɔ iɲíí le-a nɔ siòòŋii nɔmnde.

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Esai 45:23

I mɛnan a ya pila, toɲaa co fulaa ya o sondo, nduyɛ sɔɛi fula ya o sondo-e i sandu, sɔɛi ken i feŋan lecoo le: vulan kpow la baŋnunnin ya o labɛngunin, diɛɛmuei kpede i mɛnannin o diola nilan.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Esai 60:5

A canin ɲɛ ma naŋ kɔl taw, kɔl nɔmndo ɲiiyanin mì ɲɔɔ hɛnan nɔm taw-taw. Kani bolofaa mɛmma ihɛllo hunnin sumialii nɔm, ɲɛ-sɔlaa vanaa-mangalaa-isɔɔa hunnin nɔm o ba,

Yeremi 10:7

Nɛ̀ɛ́-nɛ̀ kɛɛ yɛnin nɔm vo, nɔm co masaa le vanaa-mangalaa-isɔɔa súúlan kpow-vo? Nɔm vana bɛnda le vou ni, kani o vanaa kɔlkalua co vanaa-mangalaa-isɔɔa súúlan kpow-va tɛɛn, a o masɛi ndɛi kpow nin, vana-vana co maa nɔm te.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Habakuk 1:12

Kɛ nɔm yɛ, vɛ̀ɛ̀ o co nɔm te co Mɛlɛka nuu le fɛɛn a fɛɛn te? Hala nuu, O-Diandaa nuu pɛɛn. N vinin o laan te few! Nɔm Mɛlɛka, nɔm hɛli Babilɔnnda ha le naa yamɛi kiolɔɔ ni. Nɔm Hala co tiindan nuu ni, nɔm vem nda le naa dɛnɛ palaa tuisio coo nuaa ni.

Sakari 14:16

O vanaa hinulnin Yerusalɛm a cɔwvo-a tɛɛn, vanaa lonin yoomu-a vanin helɔɔ Yerusalɛm ciee vɔsi oo vɔsi le kɔlan vulan baŋɔɔ Masaa o labɛngunin, Mɛlɛka-Nɔ-Kpaayaa-Kpow-vo pɛɛn, a le kafo lakùùo tosaa.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Rɔmnda 15:9

O hin haliko mi vanaa co n'yuif le-a biilu Hala le ɲíí ndɔɛi, maa mɛɛ o co o sɛvaa yɛ aa: «Lelan ya sangalanin nɔm vanaa-mangalaa-isɔɔa tɛɛn ni, mì soli condon le diola nɔmndan sangalaa.»

1Piɛr 1:16

Kani o co o sɛvaa aa: «La va a diandaa, kani o diandaa ya co ni.»

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 16:5

Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 19:8

A yɔngu ndu volɔɔla cuɛinannda kola keese fɛtufɛtu lan, kola keese fɛtufɛtu ŋɛlɛngi-ŋɛlɛngio pɛɛn.» (Kola kon co yɛ dɛnnda sandaala vanaa diandaa Hala-a ni.)

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.