Dɛnnda cɔɔmuanndan 15:3 - BII BILA

³ A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Dɛnnda cɔɔmuanndan 15:3 Iomraidhean Croise

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

1Dɛnnda lemasalan 6:49

Kobila lan a yondola balu lan-ndan kpow Israɛlla ndáà yɔngu cuavaa-imamaa Levii-a ni.

2Dɛnnda lemasalan 24:6

O kon, mí masaa veelu Yehoyada va bolle vanaa-solia-lasálàá-o, mó ɲuna ndu aa: «Le kɔlɔ yɛɛ n co yɛ kɛɔ leviia baŋɔɔ le muloo biyɔɔ vannda Yerusalɛm a haa Yuda o laba maa mɛɛ Moise, vana baala Mɛlɛka-o ndóò kelu le yɔngoo le Cɛi-Hala-o toosiaa yɛ?»

Nehemi 9:14

Má viam Moise vana nɔm baalaa, mó cɔm nda paale nɔmnde pɛngiaale diandaalen, o kon má pɛɛku nda sɔɔn a tɔŋnda celen.

SƐBƐ YƆB-O 36:24

Yiyan mà sangala dɛnnda ndɔlan, la vanndacieea kpede co sangalaa o condon nin-ndan pɛɛn.

SƐBƐ YƆB-O 5:9

Kani ndu, o tosà dɛnnda bɛndulan a sɔɔn vana bii bila lon, kaamaala ndɔlan la cuu cɔm te.

Condii lisai 100:5

Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.

Condii lisai 105:5

Niaa fula o polale Abraham, vana baala ndɔɔ len nin-nda, niaa poaa Yakɔb, vana o hɛli-o-a, la loonun dɛnnda kaamaala o tosa lan, mì la yiyan dɛnnda kɔndɔfilta ndɔlan a yaman fula ndu o sondo-on.

Condii lisai 111:2

Dɛnnda Mɛlɛka tosa lan la co la bɔɔ, vanaa kaola lan-nda co kɔllo keelaa lecoo.

Condii lisai 111:7

Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

Condii lisai 139:14

I mel nɔm balika, kani a caa bɔɔ ya cɔvɔɔ, dɛnnda nɔmndan la naŋ, i sina ken ɲɛkɛndɛi.

Condii lisai 145:17

Mɛlɛka sandu o nɛila ndɔlan kpow coo, o lo o lediom coo o dɛnnda o co tosaa lan kpow nin.

Condii lisai 145:6

Vannda soaanin a kpaaya bɛndu n nɔ-o o kɔɔ, mì ya koni cɔm dɛnnda bɛndula n tosa lan.

Condii lisai 18:30

Nɔm tosa ni mì del kunda vanaa cɔwva coo, nɔm tosa ni mì tiwba kpaki kobio hiovɔɔ.

Condii lisai 78:12

Hala tosa dɛnnda kɔndɔfiltan fuɲa ndaa mamaa o hɔl, o lɛŋnde Esipte len nin, o tàndàá Soan nin.

Condii lisai 92:5

Éé Mɛlɛka! Dɛnnda n tosa lan la co ya kɔllo nɛŋio, i co condon solio a ɲaaloo le baala n tosa a laba-o.

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Esai 33:22

Kani Mɛlɛka co vana kialaa n'yama naa ni, ndu co vana yɔngu naa tɔŋndan-ndo ni. Mɛlɛka co masa naa ni, ndu co vana naa ciindiaa ni.

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

Sofoni 3:5

Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Tɔŋ miingua 31:30

O kon, mí Moise dimi sɔɔn co n'sɛvaa o condii ken nin-ndon kpow Israɛlla kpede o hɔl aa:

Tɔŋ miingua 32:3

Kani i pialnin diola Mɛlɛka lan. La sangala bɔɔbɔɔyɛi Hala naa!

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Hebreea 3:5

Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

Yosue 22:5

Kɛ nduyɛ, la kela o tɔŋnda Moise vana baala Mɛlɛka-o yɔngu niaa lan coo. La kaola Mɛlɛka Hala niaa, la va kelaa lɔ́ɔ́-lɔ́ɔ̀ o nɛila ndɔlan kpow coo, mì la bii tɔŋnda ndɔlan. La holnun ndu, mì la tosal ndu vɛlɛ baalaa a yiyannda niaalan a á kɔlta niaalan kpow.»

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Dɛnnda cɔɔmuanndan 11:17

Má va dimio aa: «N mel nɔm balika, Mɛlɛka Hala nɔ kpaayaa kpow-vo, nɔm co-o, nɔm va-o, le tùú n cɛn a kpaaya nɔm bɛndoo, má cua masalen-ndo.

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»