Dɛnnda cɔɔmuanndan 15:2 - BII BILA

² Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 15:2 Iomraidhean Croise

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

1Piɛr 4:12

Caaŋaa nia hɛnan ya-a, la dɔawnun kɔndɔfili le sanga tóndó leyin co niaa coo-o maa dɛnɛ bɛnda le tosan too le.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Dɛnnda cɔɔmuanndan 13:1

Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 13:17

o kon vana-vana pindu ɲɛ le, vana-vana pisi ɲɛ le, te o co mò nɔ tɔɔmasele kon te, diola visi kon, te kon te sɛva velan a diola ndɔlan-ndo le.

Dɛnnda cɔɔmuanndan 21:18

A pow yaspe ndáà cɔw kpaki kalaa ni, kobio ndu, a sianin diandan, vanaa ce ndu pɛ aa siani diandaa ni.

Dɛnnda cɔɔmuanndan 4:6

Ɲɔɔ va o kpɛŋɛ lemasa kalaa laci o kɔannan tɛngɛ̀-tɛngɛ̀ maa mɛmma bɛndu, o va ŋɛlɛngi-ŋɛlɛngi maa kristal. Ɲaa yoomaa va o kpɛŋɛ lemasa kalaa tɛɛn a o balɔɔ nda hiɔɔlu, ndáà nɔ hɔltan taw-taw nda laci a o mundu.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.