Dɛnnda cɔɔmuanndan 13:8 - BII BILA

⁸ Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 13:8 Iomraidhean Croise

O Kandɔɔ 22:7

Mí Isaak veelu Abraham fuɲa ndɔ aa: «Pua sei.» Mí Abraham cɛl aa: «Yoo, po nuu.» Mí Isaak ɲuna ndu aa: «I ce yinnden a yɔmnde. Kɛ ɔ́ɔ̀ saa téndé naa n co lakɔ sálàá soli-o?»

Condii lisai 69:28

Hala, cɔm haki nda kon o hakila ndala tɔ̀lan coo. Tuinun nda iɲii le few.

Fulaa 32:32

Yandi, mal nda haki le yɔŋ vɔɔn ndaa. Te o co yɛ dɔ́ɔ́ lende le, mɛɛ ɲumi diola nilan nɛɛ n sɛva lan o sɛbɛ cindaa nin-nda.»

Esai 4:3

Vanaa lonin yoomuu Siɔn-nda, vanaa lonin kan Yerusalɛm-nda a sɔlanin veeloo aa vanaa diandaa, vanaa diola ndalan la sɛvannin Yerusalɛm-nda lonin yoomu.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Luke 10:20

Kɛ nduyɛ, la naŋ kɔl le tùú ɲinaa vɔɔnda co niaa diom tueyɔɔ-o le, kɛ la naŋ kɔl le tùú diola niaalan la co lasɛvaalan o halataala-o.»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Dɛnnda cɔɔmuanndan 12:15

O kon mí tambálakáà susul mɛnndan vanalanɔɔ kɔɔli maa pee bɛndu, haliko mi mɛmma man maa hiow a cua kalaa.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Dɛnnda cɔɔmuanndan 5:13

Mí tuɛi ɲɛm cɔwnun-ndon diomndan solio, mun o halataala, mun o lɛŋnden coo, mun o lɛŋnden bɛngu, mun o mɛmma ihɛllan nin a ɲɛ-ɲɛ co o fondala lan, mí n va dimio aa: «Le vana co icali o kpɛŋɛ lemasaa nin-ndo a le Saa téndóó, sangalaa, bɛɛlen, biiloo a masalen le co le fɛɛn a fɛɛn ni.»

Dɛnnda cɔɔmuanndan 6:1

Mí mɛɛndan, telen Saa téndóó va tɔɔmasele tasoo kumbio-o, mí tuɛi ɲaa yoomaa kan o pilɛ deŋio a diomndo maa diom letaŋ aa: «Hun!»