Dɛnnda cɔɔmuanndan 13:6 - BII BILA

⁶ Mó kumbi sondoo le sɔɔn tanan dimio a Hala, mó dimi sɔɔn tanan a diola ndɔlan, a fonda ndɔ diandaa a á vanaa co o fonda ndɔ diandaa kon nin o halataala-a.

Dɛnnda cɔɔmuanndan 13:6 Iomraidhean Croise

SƐBƐ YƆB-O 3:1

O kon kɔɔli, mí Yɔb kumbi sondoo le paale o velun coo len dangaa dɔvɔɔ.

Condii lisai 73:9

À co halataalaa sondoo heelɔnndo, diɛɛmui ndɛi co kelaa yeowlan o lɛŋnden coo.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Rɔmnda 3:13

Bolola ndalan la co maa sɛi buliɛi, a co yalalen a diɛɛmui ndɛi, maa lólò kɛw sɔɛi fula nda o n'cɔcɔ-e co ni.

Kolɔsea 1:19

Kani mí ɲɔɔ hɛnan Hala le vaa o peelanndo o Po ndɔɔ nin,

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Hebreea 9:2

Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Dɛnnda cɔɔmuanndan 11:12

Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»

Dɛnnda cɔɔmuanndan 15:5

O kon kɔɔli, mí ca Cɛi-Hala-o o kumbia o halataala, o co cɛi-kola-toandaa leseiyo-o pɛɛn.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Dɛnnda cɔɔmuanndan 4:4

O kpɛŋɛ lemasa kon balɔɔ pindo, kpɛŋɛla lemasala celen la va bidiin a lahiɔɔlu, bɛndua yuuvɛiya va icali lenin a volɔɔla humbulan lekɔɔ, mɔsilta lemasala n'sianilan la va nda o lebol.

Dɛnnda cɔɔmuanndan 5:13

Mí tuɛi ɲɛm cɔwnun-ndon diomndan solio, mun o halataala, mun o lɛŋnden coo, mun o lɛŋnden bɛngu, mun o mɛmma ihɛllan nin a ɲɛ-ɲɛ co o fondala lan, mí n va dimio aa: «Le vana co icali o kpɛŋɛ lemasaa nin-ndo a le Saa téndóó, sangalaa, bɛɛlen, biiloo a masalen le co le fɛɛn a fɛɛn ni.»

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.