Dɛnnda cɔɔmuanndan 13:5 - BII BILA

⁵ Mí sondoo kennun visi kalaa le yongaa sɔɛi a le sɔɔn tanan dimio a Hala. Mí kpaayaa kennun ndu le masalen tosaa le paangon belehiɔɔlu a n'miun.

Dɛnnda cɔɔmuanndan 13:5 Iomraidhean Croise

Condii lisai 12:3

Còngùlan kínɛí la co nin vannda tɛɛn ni, sɔɔn sondo yeelɛiyon a sɔɔn muluanndon nda co nin dimulanndo ni.

Esekiɛl 35:13

Mí la simul-la a tombola maloo-maloo niaa, mí la soaa yongaa a ya, i tuɛi yonga niaa soo kon-ndo válán.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 12:12

Dɛnɛ kɛndɔɔ co le vana kon, vana lonin lecoo mò bii kpáŋ mì palɛi tiiya vàá pilɛ kɛmɛ leyáá beleyaa a iŋuɛɛnu-o.

Daniɛl 7:11

I va tofaa tuŋ le sɔɔn yongan va fulaa lee pɔmbɔɔ o sondo-on. I lo tofaa, mí visi kon diinun, má tɛɛmbuu visin ndɔn, má viaw mun o yinnden nin.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Daniɛl 8:14

Mó mulul-la aa: «Fɔ mì telenndan, icɔl a idii, vàálan tan tiɔn kɛmɛ leyáá la cuu. O kon kɔɔli, cɛi-kola-toandaa diandaa Mɛlɛka-o muungu vɛlɛ o diandaa Mɛlɛka o hɔl.»

2Tesalonikea 2:3

La cɛ̀l mì vana-vana hui niaa o nɛi oo nɛi coo le. Kani fɔ mì vannda kɛɛ laalanndo malan paale len le tiiya. O kon mì vana tɛɛmbua fula, o bɛnda le lou o ɲánndávàà-o pɛɛn.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Dɛnnda cɔɔmuanndan 11:7

Telen nda ciinin seilen tɛnda-o, visi tɔɔma fulanin o soon yingilaa nɔ lamɛɛlu loo nin-ndo cɔlɔbanin nda, mò nɔla nda, mò diw nda.

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.