Dɛnnda cɔɔmuanndan 13:3 - BII BILA

³ Mí ca ndu bollen lepilɛlen a bolin bɛndoo, vanáà ca ko aa le ndu diyɔɔ ndáà boli ndu ni. Kɛ mí bolin ndɔ kon siangu. Mí vanndacieea co o lɛŋnden coo-a kpow a dɔawnun kɔndɔfili, má del visi tɔɔma kalaa kɔɔli.

Dɛnnda cɔɔmuanndan 13:3 Iomraidhean Croise

Esekiɛl 30:24

Kɛ i lueinin bala masaa Babilɔn-ndan yoomuan, mì sɔɔ mɔɛi nii cɔwve ndu o ba. O kon i yiminin Faraɔnnɔɔ balan, mò viiviin a caŋndo masaa Babilɔn o hɔl mɛɛ vana nda yɔŋ ɲɛm-kalan bɛndon-ndo viiviin le kɔllo malnɔnndo yɛ.

Luke 2:1

O telen kon, mí masaa Sesar Okust viam vannda le vanaa va o masale ndɔlen bɛngu-a kpow diolan sɛvaa.

Nsaŋ 12:19

O kon mí Faliisia dimulan aa: «Kámáá la ce le! La tiwnin ɲɛ-ɲɛ ba le. La tofa vɔ mɛɛ vannda kpow a del ndu kɔɔli yɛ.»

Dɛnnda kiilaa 8:13

Mí Simɔn bɛɛ laalan, mó sɔla yinɔɔ. O faŋan ndɛ Filipe kɔɔli le. Mɛɛ o ce dɛnnda kaamaala bɛndulan a kɔndɔfilta va tosanndo lan, mó dɔawnun kɔndɔfili.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 17:10

Ndi co vɛlɛ masaa ŋɔmmɛwva ni: a ŋuɛɛnua a del, o pilɛ co yoomu, o pilɔɔ ndu hin ndɔ le. Tuma o hunnin-ndo, telen bingi koni o bɛnda le tosaa ni.

Dɛnnda cɔɔmuanndan 17:11

Visi va paandu o co lɛ loo, ndu visi kon kpeekpei co masa ŋɔmaandɔɔ ni, o co vɛlɛ o pilɛ o a ŋɔmmɛwva tɛɛn, mo va kɔnndan o ɲánndávàà.

Dɛnnda cɔɔmuanndan 17:13

Yiyannda pilɛlan kpé nda nɔ ni, yiyan kon co le visio kpaaya ndaa a masale ndalen yɔngoo ni.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.