Dɛnnda cɔɔmuanndan 13:2 - BII BILA

² Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Dɛnnda cɔɔmuanndan 13:2 Iomraidhean Croise

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

Condii lisai 22:21

Baŋa yoomu nuu o mɔɛi cɔwve bɛngu, mà soli ya tunnda ha o n'yɛmbɛ.

Talelan 17:12

O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

Talelan 28:15

Simlacinɔ kɔlvesɛi co masalen tosaa vanaa bala fondoa coo-o co ko maa yàlá co kuuliaa-o, maa kɔ́lɔ́vúlu co nin le ɲɛ kpuva-o.

Esai 5:29

Vana tuɛi ko vanaa kan diom aa yàlà laandoo co kuuliaa ni. Vana tuei nda pɛ hiiliaa a yàlàà téndéa ni, a kula pɛ, a bii ɲɛ nda va mɛngɛlaa-o, a kɔɛnnun a ndu, vana-vana helu ndu nda o ba le.

Yeremi 13:23

Vɛ̀ɛ̀ Etiopiinɔɔ nɔla divɔ̀ɔ̀ yáw ndɔɔ mangala? Vɛ̀ɛ̀ tambillo nɔla pá pooɲia yáw ndɔɔ mangala? Lende koni o co ni, la hiw nin dɛlio a dɛnɛ vɔɔndo, la tiw lɛ ba mulinndo mi la tosa dɛnɛ kɛndɔɔ le.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Amɔs 3:12

Nuaa Mɛlɛka soo ni aa: Mɛɛ vana mandaa n'cɔloo soli bɛngula tiɔnnda saa, te kon te nile hɔlte saa yàlàá o sondo yɛ, lende koni Israɛlaa vanin icali o kpɛŋɛla sɔlɔbɔlɔɔlan nin, te kon te o kpelelan coo Damas o tàndá Samari-o nin-nda hialunnin yaamɔɔ ndaa ni.

Amɔs 5:19

La vanin paale len mɛɛ vanndo ɲaanun yàlàá, mò kɔ bɔŋan vɛlɛ a kɔ́lɔ́vúloo nuaa yɛ, te kon te, o ɲaanun pɛ mò kɔ luɛi o ndu lo cɛinin, mò handu baa o cìì cɛiyo, kɛwvo lɔva ndu.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 12:15

O kon mí tambálakáà susul mɛnndan vanalanɔɔ kɔɔli maa pee bɛndu, haliko mi mɛmma man maa hiow a cua kalaa.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Dɛnnda cɔɔmuanndan 13:4

Má baŋ vulan tambálakáà o labɛngunin le tùú ndóò ke visi tɔɔma kon kpaayaa-o, má baŋ vulan visi kon o labɛngunin, má va dimio aa: «Nɛ̀ɛ́ co yɛ maa visi tɔɔma ho, nɛ̀ɛ́ nɔla yɛ ndu cɔlɔba?»

Dɛnnda cɔɔmuanndan 16:10

Mí mɛlɛkanɔ ŋuɛɛnundɔɔ cuiŋi ɲɛ va o taala kólaa ndɔɔ nin-ndo o kpɛŋɛ lemasa visio coo. Mí masale ndɔlen le muungu yim-yim, mí vanndacieea va diɛɛmuei kisikisinndo a ɲɛ nɛyaa.

Dɛnnda cɔɔmuanndan 17:12

Leela tɔ́la n ce lan, masaa tɔ́a co kan ni, a sɔla vɔ lemasa le-a. Kɛ a tosanin masalen a visio latulu le lɛɛlɛ pilɛ.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.