Dɛnnda cɔɔmuanndan 13:10 - BII BILA

¹⁰ Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Dɛnnda cɔɔmuanndan 13:10 Iomraidhean Croise

Esai 14:2

Mialla cuanin nda, mà mingi nda o calta ndalan. O kon, mì Israɛlla siinguu mialaa kan buɛyaa piaandua a buɛyaa laandua, o lɛŋnde Mɛlɛka len nin. A siinguunin vanaa óò bii nda o cɛlen nin-nda cɛa ndaa, mà siŋnun vanaa bɛndua vanaa va nda mɔnɛi lueiyo-a coo.»

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Yeremi 43:11

O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Cɛɛŋɔnnda Yeremi lan 3:26

O naŋ le cinda Mɛlɛka-o cumndo o meiyo nin.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Matie 26:52

O kon mí Yeesu dimul ndu aa: «Míngi mɔɛi nɔmii cɔwve o boo nin. Kani vana cɔlɔba pɛ a mɔɛi cɔwve, a dii ndu a mɔɛi cɔwve.

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Luke 21:19

Lelan la ló biuvɔnndo, mì la sɔla cindaa.»

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Dɛnnda cɔɔmuanndan 17:11

Visi va paandu o co lɛ loo, ndu visi kon kpeekpei co masa ŋɔmaandɔɔ ni, o co vɛlɛ o pilɛ o a ŋɔmmɛwva tɛɛn, mo va kɔnndan o ɲánndávàà.

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

Dɛnnda cɔɔmuanndan 2:19

I sínà dɛnnda nɔmndan, kaola nɔmndo, laalan nɔmndo, kpekula n soli vana lan, biuvɔn nɔmndo a dɛnnda nɔmnda mɛɛlaala hiow vaa sɛ́lɛ́ a lataselan-ndan.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 3:3

Lelan loonun a pɛɛkula n sɔla lan a mɛɛ n tuei lan yɛ, bii lan mà mangalan. Taa mɛɛndian yɛ le, i hinulnin nɔm maa vui, mì voolu nɔm a telen n venin kɔl too.