Dɛnnda cɔɔmuanndan 13:1 - BII BILA

¹ Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.

Dɛnnda cɔɔmuanndan 13:1 Iomraidhean Croise

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 2:41

Pelun ndɔn a suon labɛngun ndɔn n ce mun kpengei ipilɛ cilinnde, kpengei pilɛi puulu loamaa-on yɛ, kon cɔm maa masalen le piɔwnunnin, kɛ kpengei pilɛi vanin ikala maa icilin, maa mɛɛ n ce cilinnde i bingulannde a puulu loamaa yɛ.

Dɛnnda cɔɔmuanndan 11:7

Telen nda ciinin seilen tɛnda-o, visi tɔɔma fulanin o soon yingilaa nɔ lamɛɛlu loo nin-ndo cɔlɔbanin nda, mò nɔla nda, mò diw nda.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 13:11

O kon mí ca visi tɔɔma celen fulaa lɛŋ. Ndóò nɔ leelan tan tiɔn maa leela saa téndé, o va sɔɛi maa tambálaká.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 13:15

Mí kpaayaa kennun ndu haliko mi tuula visi kon ndóò biŋin a ba ndɔ, mì ndóò soo, o kon mì vanaa-vanaa aa beŋ vulan tuula visi kon o labɛngunin te-a ndáà sɔla piɔ́mndo.

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 16:13

Mí ca ɲinaa vɔɔnda pum nda yáá fulaa tambálakáà o sondo, visio o sondo a vana-tɛɛngaa-diom hala lacòòvaa o sondo, vanaa ce pɛ ɲinaa vɔɔŋaa kan aa ŋɔɔŋɔɔnda ni.

Dɛnnda cɔɔmuanndan 17:16

Leela tɔ́la n ce lan a visi kon a nɔnin nɛyɔn vanalanɔ suundɛi kon, mà yunga ndu, mò lo fondo fúú. A dianin visin ndɔn, mà lom ndu o yin.

Dɛnnda cɔɔmuanndan 17:3

O kon mó kɔa a ya o kɔllo nin o lɛŋnde veselɛilen nin. Mí ca vanalanɔɔ pum icali o visi siaŋa sɔɔtɔtɔɔ coo, kɔɔle visi kon le va le pooɲɛilen poosoo a sɔɔn tanan, ndóò nɔ bolle ndii ŋɔmmɛw a leelan tɔ́.

Dɛnnda cɔɔmuanndan 17:5

Diolan lapum la va lasɛvaalan ndu o itendu, diola kɔndɔfiltan pila aa: «Babilɔn bɛndoo, kalaa vanlaandua suundɛiya a mààla co o lɛŋnden coo lan.»

Dɛnnda cɔɔmuanndan 19:19

Mí ca visio, masaa co o lɛŋnden coo-a a vanaa ndaa cɔwva, a va a cuungiannda le vana va o sow coo-o a vanaa ndɔa cɔwva kuello a cɔwvo.