Dɛnnda cɔɔmuanndan 12:8 - BII BILA

⁸ kɛ a tiwba le, o kon fonda sɔlan ndɛ o halataala le nda le.

Dɛnnda cɔɔmuanndan 12:8 Iomraidhean Croise

SƐBƐ YƆB-O 20:9

Hɔlta va ndu tofaa lan la ci lɛnin ndu le, hali o fonda calta ndɔlan la va-o bɛɛ vana ci lɛnin ndu le.

SƐBƐ YƆB-O 7:10

Vana tol pɛ ciee-piɔ́m, ndu muungu lɛ o ndu lo cɛinin te, cɛi ndɔɔ sina lɛ ndu le.

SƐBƐ YƆB-O 8:18

Kɛ te vana sungu ndu pɛ o fonda o va-o, fonda kon pɔɛɛnun ndu, o viinun aa: ‹Kabi bɛɛ i sina nɔm te few.›

Condii lisai 129:2

«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.

Condii lisai 13:4

Mɛlɛka Hala nuu, tofa ya, ma mulul-la. Cɔɔlu ya yoomuan luei yɔŋii hɔltan la kindan ya, mì lɔl lɔma piɔ́mndan,

Condii lisai 37:10

O lo nin ɲɛ-pɔmbɔ cobe, vana kɔlvesɛi ve lɛnin te, à nuwviaanin o fonda o va-o, à seelunin vana le.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Dɛnnda kiilaa 1:25

le baala lekiilaa ho tosaa-o, baala Yuda mal ho, mó kɔa o fonda ndóò bɛnda le kɔlan-ndo pɛɛn.»

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Dɛnnda cɔɔmuanndan 12:7

Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.