Dɛnnda cɔɔmuanndan 12:5 - BII BILA

⁵ Mó vialu poo, hɔ́ɔ́ piaandu yaanin vanaa-mangalaa-isɔɔa kpow diólan a sionnde icilinnden-ndo. Má kɔa a hɔ́ɔ́ ndɔ kon nɛɛ Hala a kpɛŋɛ lemasa ndɔɔ va-a.

Dɛnnda cɔɔmuanndan 12:5 Iomraidhean Croise

Esai 66:7

«Dembe vialaa ndóò cen-ndɔ Siɔn nɛiyo le, mó vialu, pulei ndíì biŋin ndɔ ndu le, mó vialu hɔ́ɔ́ piaandoo.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Matie 1:25

Kɛ háá mí laa ndɔ vialu po kon, o sina ndu vanalanɔ le. Mó ke hɔ́ɔ́ kalaa diolan aa Yeesu.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

2Korɛntea 12:2

I sínà langbanɔ pilɛ o Krista nin, o co nin le vɔsilan tɔ́ a lahiɔɔlu, mó hel o halataalaa nin coo di. (I sínà le te o falon nin ndóò hel lende lekɛ́ndɛi ni, te kon te o vundulen nin, Hala ndu pilɛ kpé sínà ken ni.)

Dɛnnda cɔɔmuanndan 11:12

Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 12:2

O va a folio, mó va koŋullo a pulii nɛyɛi le violɔɔ.

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.