Dɛnnda cɔɔmuanndan 12:3 - BII BILA

³ O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 12:3 Iomraidhean Croise

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Esai 51:9

Ba Mɛlɛka-o sei! Tiondu! Tiondu! Cuɛinun a yoomuan! Tiondu maa o palɛi sindɛ nin, maa o palɛi lambila hiow sindɛ lan nin! Vɛ̀ɛ̀ o co nɔm te tɛɛmbuu Ɲɛ yoomaa kɔndɔfili co o mɛmma ihɛllan nin-ndo le? O co nɔm te buli tambálakáà le?

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

Daniɛl 2:41

Pelun ndɔn a suon labɛngun ndɔn n ce mun kpengei ipilɛ cilinnde, kpengei pilɛi puulu loamaa-on yɛ, kon cɔm maa masalen le piɔwnunnin, kɛ kpengei pilɛi vanin ikala maa icilin, maa mɛɛ n ce cilinnde i bingulannde a puulu loamaa yɛ.

Daniɛl 2:42

Mɛɛ n ce suon a pelon kpengei pilɛi cilinnde, a kpengei pilɛi puulu loamaa yɛ, kon cɔm maa masale len le nɔnin yoomuan kpengei pilɛi, kɛ kpengei pilɛi nɔnin mayoomu le.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Daniɛl 7:24

Leela tɔ́lan, lan la co tɔɔmasele masaa n'van tɔ́a fulanin o masale len nin-nda ni, mì o celen fula nda kɔɔli. O vanin teengen a masaa tasea. Masa mɛɛlaa kon faŋanin masaa nda yáá o a tasea tɛɛn.

Dɛnnda cɔɔmuanndan 12:1

Mí tɔɔmasele bɛndoo pum cɔmnun o halataala: vanalanɔɔ a volɔɔlan lekɔɔ maa lepala, paangei va ndu o pelon bɛngu, ndóò nɔ mɔsil lemasa nɔ loeon tɔ́ a n'miun-ndo o lebol.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 12:17

Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.

Dɛnnda cɔɔmuanndan 12:7

Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 13:1

Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.

Dɛnnda cɔɔmuanndan 13:4

Má baŋ vulan tambálakáà o labɛngunin le tùú ndóò ke visi tɔɔma kon kpaayaa-o, má baŋ vulan visi kon o labɛngunin, má va dimio aa: «Nɛ̀ɛ́ co yɛ maa visi tɔɔma ho, nɛ̀ɛ́ nɔla yɛ ndu cɔlɔba?»

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.

Dɛnnda cɔɔmuanndan 16:13

Mí ca ɲinaa vɔɔnda pum nda yáá fulaa tambálakáà o sondo, visio o sondo a vana-tɛɛngaa-diom hala lacòòvaa o sondo, vanaa ce pɛ ɲinaa vɔɔŋaa kan aa ŋɔɔŋɔɔnda ni.

Dɛnnda cɔɔmuanndan 17:12

Leela tɔ́la n ce lan, masaa tɔ́a co kan ni, a sɔla vɔ lemasa le-a. Kɛ a tosanin masalen a visio latulu le lɛɛlɛ pilɛ.

Dɛnnda cɔɔmuanndan 17:16

Leela tɔ́la n ce lan a visi kon a nɔnin nɛyɔn vanalanɔ suundɛi kon, mà yunga ndu, mò lo fondo fúú. A dianin visin ndɔn, mà lom ndu o yin.

Dɛnnda cɔɔmuanndan 17:7

Mí mɛlɛkanɔɔ ɲuna ya aa: «Le yɛɛ nɛ n dɔwnun yɛ kɔndɔfili? I cɔmnin nɔm kɔlɔ vuɛɛndo ho a kɔlɔ visi o cal ho coo a bolle ndii ŋɔmmɛw a leelan tɔ́-o.

Dɛnnda cɔɔmuanndan 19:12

Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.