Dɛnnda cɔɔmuanndan 11:9 - BII BILA

⁹ Vanaa súú-súù ka, lepola oo lepola, vanaa-mangalaa-isɔɔa súú-súù ka a lelɛŋ oo lelɛŋ a tofanin dialun ndan le palɛi ndii yáá a tala. A cɛlnin mà kumbu nda o lasɛi nin te.

Dɛnnda cɔɔmuanndan 11:9 Iomraidhean Croise

1Masaa 13:22

le tùú n muungu, má dia ɲɛdiaa, má kol nɛɛ Mɛlɛka ndóò kuuna nɔm le ɲɛdiaa dioo a le kolɔɔ-a-o, a co hunɔɔ vu, kɛ a kumbunin nɔm o sɛila fuɲaa nɔmaa mamaa nin te.›»

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Yeremi 7:33

Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Dɛnnda cɔɔmuanndan 10:11

O kon má dimul-la aa: «Fɔ ma tɛɛnguu vɛlɛ diom Hala-o a ɲɛ ndu Hala tuu le tosaa le vanaa-mangalaa-isɔɔa bɔɔ-bɔɔ, lɛŋnde, sɔɔn mangalan a masaa-o kɔɔ.»

Dɛnnda cɔɔmuanndan 11:11

Kɛ palɛi yaa a talɛi ken hiovɔɔ, mí hoeyii yoomuɛi pum hun fulaa o Hala lo, mí i luɛi nda nin, má can isisi. Mí siòòŋii bɛnduei bii vanaa va nda cɔu-va.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,