Dɛnnda cɔɔmuanndan 11:8 - BII BILA

⁸ Mà lo a vílɛ́iya o falii kobi bɛndoo, o nda veelu o letale nin aa Sodɔm a Esipte-o, lon kpeekpei nda baŋ vana nda bɛndoo o yɔm singafilaa coo ni.

Dɛnnda cɔɔmuanndan 11:8 Iomraidhean Croise

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Yeremi 26:23

Má kɔ bii ndu Esipte lon, má kɔa a ndu o masaa lo. Mí Yehoyakim dii ndu, mó viaw dialun ndɔn o soon nda kumbu nin vanaa celen nin-ndo nin.

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.

Esekiɛl 23:19

Mó cɔɔlu dɛnnda ndɔla suundɛilan vangala le loonɔnndo a palɛi ifelengiyɛi ndɔɛi o kɔɔ, telen o va suundaa o lɛŋnde Esipte len nin-ndo.

Esekiɛl 23:27

Lende ya kpaanin suunda nɔmndo a dɛnnda nɔmnda nɔɔlɛila n kandu tosa Esipte pɔ́ lan ni. O kon, a muli lɛnin hɔlla o vanaa kan ndo le, a ve lɛnin loonɔnndo a Esipte o kɔɔ le.

Esekiɛl 23:3

Má luɛi suundaa o lɛŋnde Esipte len nin, a va vɔ cuaambɔa lemboa má luɛi suunda kon. Lon nda vɔɔciaa nda mɛɛyan o ibuŋ ni, lon vannda piilian takpala ndala vanapɔnɔ ndóò pilan-ndɔ le lan ni.

Esekiɛl 23:8

O mel suundala ndɔla o kandu o lɛŋnde Esipte len nin-ndan te, lon pá nda hini a ndu o felengiyɛi ndɔɛi nin ni, má piilian ndu mɛɛma vanapɔnɔ ndóò pilan-ndɔ le-an. Má laasiaa ndu a suunda ndaa.

Esekiɛl 37:11

Mó dimul-la aa: Po vanacieo sei, paalan ndan, la co cuavaa Israɛlla kpow ni. Kani cuavaa Israɛlla co dimio aa: ‹Paala naalan la vesan, tiindan naa tambu. Mbɔ̀ naa n cuu fɔ́!›

Amɔs 4:11

Mí hiiluu niaa vooku-vooku mɛɛ ya hiiluu kobio Sodɔm a kobio Komɔr mí tɛɛmbuu lan yɛ. Niaa, mí la yɔŋnun vɔngɔɲɔn maa kili nda soli o yin-ndo. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Hebreea 13:12

Lelan Yeesu bɛɛ sanga o kobio kɔɔli ni, mó dindi vannda a kooma ndɔma ndu pila-an.

Hebreea 6:6

kɛ a kon kpow, má muungu o ceen nda paandoo nin. Vanaa vaa lende, vana tiw lɛ ba nda tolɔɔ kɔɔli le ceen ndaa mingio o sɛnɛi le. Kani nda co Po Hala-o mingio baŋɔɔ o yɔm singafilaa coo ni, mì vannda va ndu mamɔɔ kpendekele.

2Piɛr 2:6

Hala yaala kobilan Sodɔm a Komɔr le lan tɛɛmbuuo, mó mingi lan pultan, mí ken va silaa le vanaa hun sinanin Hala le-a,

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Dɛnnda cɔɔmuanndan 11:9

Vanaa súú-súù ka, lepola oo lepola, vanaa-mangalaa-isɔɔa súú-súù ka a lelɛŋ oo lelɛŋ a tofanin dialun ndan le palɛi ndii yáá a tala. A cɛlnin mà kumbu nda o lasɛi nin te.

Dɛnnda cɔɔmuanndan 14:20

Má kɔ nɛwnɛw mun o kobio kɔɔli, mí koovan ma pia o doolaa nin háá mi ma tiiya soa o sondolan bɛngu, mí ma kɔa kongio háá le ɲɛ tuvaa vàá pilɛ a kɛmɛ leŋɔmpum.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

Dɛnnda cɔɔmuanndan 17:18

Vanalanɔ n ce-o, ndu co kobi bɛndu co masalen tosaa masaa co o lɛŋnden coo-a coo ni.»

Dɛnnda cɔɔmuanndan 17:5

Diolan lapum la va lasɛvaalan ndu o itendu, diola kɔndɔfiltan pila aa: «Babilɔn bɛndoo, kalaa vanlaandua suundɛiya a mààla co o lɛŋnden coo lan.»

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Dɛnnda cɔɔmuanndan 18:18

Telen nda va kumii va cɔnɔnndo telen kobi kalaa va ŋɔw-ve tofaa-o, má va deŋio aa: «Kabi bɛɛ kobi yɔŋnun maa kobi bɛndoo ho le!»

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Dɛnnda cɔɔmuanndan 18:21

O kon mí mɛlɛkanɔ kpaayaa pum cua pow va maa ciei lusulaa bɛndu-o, mó mal ndu o mɛmma ihɛllan nin, mó dimi aa: «Nuaa Babilɔn kobi bɛndoo viawnunnin fakolo ni, o kon vana ci lɛnin ndu le.»

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.