Dɛnnda cɔɔmuanndan 11:6 - BII BILA

⁶ A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.

Dɛnnda cɔɔmuanndan 11:6 Iomraidhean Croise

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Luke 4:25

I co niaa toɲaa dimul, vanlaandua piandaa ndaa vi-a a va taw o lɛŋnde Israɛl-ten nin o palɛi Elii-e bɛngu, telen halataalaa kindan o vɔsilan tan yáá a paangon mún ŋɔmpum, mí yima fofolan ma luɛi o lɛŋnden kpow nin-ndo pɛɛn.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Dɛnnda cɔɔmuanndan 16:3

Mí mɛlɛkanɔ diinndɔɔ cuiŋi ɲɛ va o taala kólaa ndɔɔ nin-ndo o mɛmma ihɛllan nin, mí ma siŋnun koovan maa kooma vana vílɛ́i, mí ɲaa yoomaa va o mɛmma ihɛllan nin-nda kpow a vu.

Dɛnnda cɔɔmuanndan 16:4

Mí o yàándɔɔ cuiŋi ɲɛ va o taala kólaa ndɔɔ nin-ndo o peela bɛndulan a o peela leboltan, mí la siŋnun koovan.

Dɛnnda cɔɔmuanndan 8:8

O kon kɔɔli, mí mɛlɛkanɔ diinndɔɔ hɔŋ buloo. Mí ca ɲɔɔ pum, ó va maa pembii bɛndui yinnde biyaa-o, mó viawnun o mɛmma ihɛllan nin. Mí mɛmma ihɛllan piɔwvo kundalan tan yáá, o pilɛ siŋnun koovan.

1Samiɛl 4:8

A toɲa, n kɔndu dɛnɛ a vannda dɛ! Nɛ̀ɛ́-nɛ̀ soli yɛnin naa Hala kpaaya bɛndu tuisi kon Esiptea sangala súú-súù ka coo o lɛŋnde veselɛilen nin-ndo o ba?