Dɛnnda cɔɔmuanndan 11:4 - BII BILA

⁴ Nda co oliviee ŋiinde a ɲɛla-kɛsiaa-lafitinala tiɔnnda co lakɛsiaa Mɛlɛka nɔ lɛŋnden o ba-o o hɔl-tan ni.

Dɛnnda cɔɔmuanndan 11:4 Iomraidhean Croise

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Condii lisai 52:8

Vanaa sandaa canin dɛnɛ kon, mà siòònde bii nda. À mamnin nɔm aa:

Fulaa 8:22

Mí Moise mulul ndu aa: «Ɛ-ɛ, n bɛnda mì n tosa lende le, kani ɲɛ naa n solulnin Mɛlɛka naa sálàá-o vanin bɔɔ ɲɛ nɔɔlɛi bɛndu le Esiptea. Nduyɛ te n soli pɛ sálà súú vaa lende nda o hɔl, vɛ̀ɛ̀ a viinin naa a powtan te?

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Yeremi 11:16

Diola ya Mɛlɛka yáà ke ndu lan la va lan ni aa: ‹Oliviee puiyaa kulun kɛndɛ bɛndoo.› Kɛ mí mal yinnden o bɔɔ ndɔ yukɔn-ndo nin, o diom bɛndu-bɛndoo nin, mí le loam lɛɛndun ndɔn kpede.»

Misee 4:13

La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.

Luke 11:33

Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»