Dɛnnda cɔɔmuanndan 11:12 - BII BILA

¹² Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Dɛnnda cɔɔmuanndan 11:12 Iomraidhean Croise

2Masaa 2:1

Mɛɛ Mɛlɛka heelu Elii o halataala o felenfelenndo nin yɛ yɔŋnun hoo ni: Elii nda Elise cɔnɔnndo Kilkal, má va kɔlan latulu,

2Masaa 2:11

A lo kɔlan a sɔɛi lende, mí yinnden le fula, vanáà ca len ko aa ɲɛ ɲaanan soa nan-ndo ni. Mí soa leyinnda fula, má sɛi Elii nda Elise, mí Elii helnun coocoo o hoeyii felenfelennde nin.

2Masaa 2:5

Mí vanaa-tɛɛngaa-diom Hala-a va Yeriko-a sɔɔnguu Elise ikɛi, má ɲuna ndu aa: «A sina pá maa Mɛlɛka co hau vana nɔm bɛndoo faŋa nɔm ikɛi mò heelu ndu o halataala?» Mó muli aa: «Oi, ya bɛɛ i sina nihau, niaa meinun tuŋ!»

2Masaa 2:7

Mí vanaa-tɛɛngaa-diom Hala-a fula kundaa n'van beleŋuɛɛnu, má kɔa nda kɔɔli. Elii nda Elise simndan o peo Yurdɛn kɔngɔ, mí vanaa kan nda sim tiŋ kɔɔli-kɔɔli.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

Condii lisai 15:1

Condii fula o condun David-on nin-nde. Éé Mɛlɛka! Nɛ̀ɛ́ luɛi yɛnin o cɛi-kola-toandaa nɔmndo nin? Nɛ̀ɛ́ tiw yɛnin ba calle o pembii nɔmii diandɛi coo?

Condii lisai 24:3

Nɛ̀ɛ́ tiw yɛnin ba helɔɔ o pembii Mɛlɛka-e coo? Nɛ̀ɛ́ nɔla yɛnin simndan o Cɛin ndɔ diandaa nin?

Condii lisai 86:17

Cɔm ya tɔɔmasele nɔmndo, mì yaamɔaa nia kpow a ce, mì siɛmbulan la bii nda, kani nɔm Mɛlɛka mala ya ni, má ɲɔɔlu ya.

Fulaa 14:25

Mó ŋɔaw bɛngula ɲɛla ɲaanannda ndala soa nan-ndan, mí la lusul lusullo pila háá mí kɔlan la lɛngɛla nda o ba. O kon mí Esiptea dimi aa: «N ɲaanun mì n faŋan Israɛlla kɔɔli, kani Mɛlɛka cɛn naa Esiptea cɔlɔbaa le nda.»

Esai 14:13

A va dimio o kɔl nɔmndo nin aa: I helnin o halataala mì kɔ kɛsi kpɛŋɛ ni lemasaa o loeon Hala-on coo. I calnin o pembii halaa celennda bɔɔŋian coo-e coo, o lɛŋnde maluaŋnden mɛɛlulan.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Esai 60:8

Nɛ̀ɛ̀aa co yɛ kelaa coocoo maa yumbuyumbu? Nɛ̀ɛ̀aa co yɛ hiŋnɔnndo coocoo maa poonpooŋaa co kɔlan o fonda nda lɔlaa-a?

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Luke 16:23

Mó sɔla sangaa taw ciee-piɔ́m. Mɛɛ o heelu hɔlla pɔɔli, mó ca Lasar icali Abraham ikɛi.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

1Tesalonikea 4:17

O kon kɔɔli, naa vanaa va vɔnin yoomu-a n kɔanin naa ndaa latulu o yumbuyumboo nin, mì n kɔ bɔŋa Maalii o hoeiye nin. O kon n vanin naa Maalii-aa lɔ́ɔ́-lɔ́ɔ̀.

Dɛnnda cɔɔmuanndan 12:5

Mó vialu poo, hɔ́ɔ́ piaandu yaanin vanaa-mangalaa-isɔɔa kpow diólan a sionnde icilinnden-ndo. Má kɔa a hɔ́ɔ́ ndɔ kon nɛɛ Hala a kpɛŋɛ lemasa ndɔɔ va-a.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»