Dɛnnda cɔɔmuanndan 11:10 - BII BILA

¹⁰ Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Dɛnnda cɔɔmuanndan 11:10 Iomraidhean Croise

1Masaa 18:17

Ndóò cɔu dɔ́ɔ́ Elii, mó dimul ndu aa: «Má cè nɔm! Nɔm co hoo dɛnɛ palaa tuisio Israɛlla coo-o!»

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

1Masaa 22:18

O kon mí masa Israɛlla dimul Yosafat aa: «Vɛ̀ɛ̀ i dimul nɔm te? O dimul-la sɔɛi kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon.»

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

Condii lisai 13:4

Mɛlɛka Hala nuu, tofa ya, ma mulul-la. Cɔɔlu ya yoomuan luei yɔŋii hɔltan la kindan ya, mì lɔl lɔma piɔ́mndan,

Condii lisai 35:19

Màá yaamɔaa nia ciŋilan ya o fondo fúúo coo-a dɔawnun ɲaale a dɛnɛ nuu o kɔɔ le! Màá vanaa nɔ nɛyɔn nuu fondo fúú-a tofa ya ŋɛlɛn mà yeow ya le!

Condii lisai 89:42

Vanaa hiavannda cii ɲɛm ndɔn poondiaa kpow, vanaa nda cal latulu-a co ndu mamɔɔ.

Talelan 24:17

Naŋ kɔ̀l le delɔɔ yaamɔɔ nɔmndo le, kɔl nɔmndo dɔawnùn ɲaale le boŋ o boŋ ndo le,

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

Yeremi 50:11

A toɲa, la dɔwnun ɲaale, mì la va a kɔlkɛndɔɔ, niaa vanaa poondiaa vanaa niaa ɲɔɔn o laba-a. La huulu mɛɛ navaa téndéa huulu o bil puiyaa nin yɛ. Mì la soli diomndan maa soa kpaaya bɛndu!

Abdia 1:12

Niaa Edɔmnda, niáà bɛnda mí niáà naŋ kɔl le puapilɛa niaa, Yudaa, tofaa o tuma dɛnɛ palaa kon nin te. Niáà bɛnda bɛɛ mí niáà naŋ kɔl tuma nda va kon piɔllo-o le. Niáà bɛnda mi niáà dimi diomnda vɔɔnndan a nda tuma nda va kon o mɔnɛi nin-ndo le.

Misee 7:8

Nɔm yaamɔɔ nuu sei, dɔawnun ɲaale a dɛnɛ nuu o kɔɔ le! Kani i del bɛɛ, i co cɔnɔn, i va bɛɛ icali o ɲumndan nin, Mɛlɛka co ɲɛ-tengaa nuu ni.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Nsaŋ 16:20

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

1Korɛntea 13:6

o niŋ kɔl a dɛnɛ sendu loo le, kɛ le toɲaa mò dɔwnun ɲaale.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 16:10

Mí mɛlɛkanɔ ŋuɛɛnundɔɔ cuiŋi ɲɛ va o taala kólaa ndɔɔ nin-ndo o kpɛŋɛ lemasa visio coo. Mí masale ndɔlen le muungu yim-yim, mí vanndacieea va diɛɛmuei kisikisinndo a ɲɛ nɛyaa.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.