Dɛnnda cɔɔmuanndan 10:3 - BII BILA

³ Mó va yondaa coocoo kpélén maa mɛɛ yàlà va kuuliaa. Ndóò yondaa, mí taŋndan ma deŋi man ŋɔmmɛw.

Dɛnnda cɔɔmuanndan 10:3 Iomraidhean Croise

Condii lisai 29:3

Diom Mɛlɛka-o co deŋio o mɛnndan coo, Hala biilaa co piɔndio maa piɔɔ deŋia, Mɛlɛka co o mɛmma bɛnduan coo.

Talelan 19:12

Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Esai 31:4

Kani nuaa Mɛlɛka dimul-la ni aa: «Te yàlà piaandoo te kon te yàlà téndóó bii pɛ ɲɔɔ, hali vanaa mandaa n'cɔlua kpow cuungian bɛɛ le ndu ɲɛ kon hiɔlɔɔ o ba, siòòŋii bii ndu a vɔkɔ-vɔkɔ ndaa le, kɔl hiilun ndu a sɛ́lɛ́ nda bɛndoo le, kɛ pɛɛliaa o pɛɛliaa ni le kungulanndo o ɲɛ kon coo. Lende koni Mɛlɛka-Nɔ-Kpaayaa-Kpow-vo toalnin le cɔwvo tosaa o pembei Siɔn coo ni, pembii ndɔɛi pɛɛn.

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Esai 5:29

Vana tuɛi ko vanaa kan diom aa yàlà laandoo co kuuliaa ni. Vana tuei nda pɛ hiiliaa a yàlàà téndéa ni, a kula pɛ, a bii ɲɛ nda va mɛngɛlaa-o, a kɔɛnnun a ndu, vana-vana helu ndu nda o ba le.

Yeremi 25:30

Mí Mɛlɛka dimul-la vɛlɛ aa: «Nɔm Yeremi yɛ, tɛɛngul nda sɔɔn mun kpow, mà dimul nda aa: ‹Mɛlɛka co a hiilɛi coocoo, o co diomndo solio o calta ndɔla diandaalan nin, o co a hiilɛi a vanaa ndɔa. O co deŋio maa vanaa pesi rɛsɛnndon le mɔiyan solio-a. O co piasiaa a vanaa co o lɛŋnden coo-a.

Esekiɛl 10:5

Vanáà lo o bɛ́ɛ̀ va lekɔɔli-o nin, mí vanáà tuei diom kumbannda mɛlɛkaa kanda ɲɛm Hala-on-nda. Vanáà tuɛi lan ko diom aa Hala Vana-Kpaayaa-Kpow co sɔɛi ni.

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Amɔs 3:8

Yàlàá co pɛɛliaa, nɛ̀ɛ́-nɛ̀ kɛɛ yɛnin siòònde yɔŋ? Maalii Hala co sɔɛi, nɛ̀ɛ́-nɛ̀ kɛɛ yɛnin sɔɛi Hala-e tɛɛnguu?›

Dɛnnda cɔɔmuanndan 14:2

Mí tuɛi diomndo pum o halataala maa diom mɛmma bɛndu, maa piɔndi bɛndu letaŋ. Diom ya va yɛ tueyɔɔ-o, vanáà ca ko bɛɛ aa bangalan vanaa lɔaa labangaa va lɔɔ ni.

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 8:5

O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.