Dɛnnda cɔɔmuanndan 10:11 - BII BILA

¹¹ O kon má dimul-la aa: «Fɔ ma tɛɛnguu vɛlɛ diom Hala-o a ɲɛ ndu Hala tuu le tosaa le vanaa-mangalaa-isɔɔa bɔɔ-bɔɔ, lɛŋnde, sɔɔn mangalan a masaa-o kɔɔ.»

Dɛnnda cɔɔmuanndan 10:11 Iomraidhean Croise

Yeremi 25:13

I cuunin dɛnnda palaala ya dimi lan kpow o lɛŋnde len coo, la co lasɛvaalan o sɛbɔɔ ho nin-ndan, la Yeremi vana-tɛɛngaa-diom Hala-o dimi le vanaa-mangalaa-isɔɔa kpede lan pɛɛn.

Esekiɛl 37:4

Mó dimul-la aa: «Tɛɛnguu diom Hala-o o paalan-ndan coo. Dimul tan aa: Niaa paala vesɛilan sei, la yaŋ-ndɔ nilan o sɔɛi Mɛlɛka-e.

Esekiɛl 37:9

Mó dimul-la aa: «Tɛɛnguu diom Hala-o mà soo o hoeyii yoomuɛi lo aa ‹Nuaa Maalii, o co Mɛlɛka-o dimi ni aa: Nɔm hoeyii yoomuɛi sei, fula o kpengun hiɔɔlun ceendo mà hɔŋ vanvílɛ́iya haa coo, haliko ma muungu yoomu.›»

Dɛnnda cɔɔmuanndan 10:10

Mí bii sɛbɛ pɔmbɔ kon mɛlɛkanɔɔ o ba, mí dia ndu. Mó yeela ya o sondo yé-yé maa malɛ, kɛ yáà miolɔɔ ndu, mó kɔ lol-la o dembe kélélé.

Dɛnnda cɔɔmuanndan 11:1

Má yɔngu ya kpɛ̀ndɛ̀len, vanaa ce pɛ len aa sionnde tuvaalen ni. Má dimul-la aa: «Cɔn ma tuu Cɛi-Hala-o a fonda-loamaa-lasálàá, mà cɔm vanaa co biiloo lon-nda.

Dɛnnda cɔɔmuanndan 11:9

Vanaa súú-súù ka, lepola oo lepola, vanaa-mangalaa-isɔɔa súú-súù ka a lelɛŋ oo lelɛŋ a tofanin dialun ndan le palɛi ndii yáá a tala. A cɛlnin mà kumbu nda o lasɛi nin te.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Dɛnnda cɔɔmuanndan 17:10

Ndi co vɛlɛ masaa ŋɔmmɛwva ni: a ŋuɛɛnua a del, o pilɛ co yoomu, o pilɔɔ ndu hin ndɔ le. Tuma o hunnin-ndo, telen bingi koni o bɛnda le tosaa ni.

Dɛnnda cɔɔmuanndan 17:12

Leela tɔ́la n ce lan, masaa tɔ́a co kan ni, a sɔla vɔ lemasa le-a. Kɛ a tosanin masalen a visio latulu le lɛɛlɛ pilɛ.

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,