Dɛnnda cɔɔmuanndan 10:10 - BII BILA

¹⁰ Mí bii sɛbɛ pɔmbɔ kon mɛlɛkanɔɔ o ba, mí dia ndu. Mó yeela ya o sondo yé-yé maa malɛ, kɛ yáà miolɔɔ ndu, mó kɔ lol-la o dembe kélélé.

Dɛnnda cɔɔmuanndan 10:10 Iomraidhean Croise

Condii lisai 104:34

Màá o cɛl piɛile nilen! Ya, i yeema mì dɔwnun ɲaale o Mɛlɛka nin.

Condii lisai 119:103

Sɔɔn nɔmndon n yeela bɔɔ ya o lediɛɛmu, n hiow lɛan yeelaa ya o sondo.

Condii lisai 19:10

Siòòŋii Mɛlɛka-e nɔu naŋ bɔɔ. Kon lonin tosanndo le vɔsilan kɛmɛlan o kɛmɛlan nin. Sɔɔn Mɛlɛka kialu-on co sɔɔn kpeekpei, sɔɔn sandan kposon n co ni.

Talelan 16:24

Maa vaa malɛ sɔɔn kɛndɔn co ni, n yeela o bololan nin, n co maa kooma singiaa le paalan.

Esekiɛl 2:10

Mó timbi sɛbɛ simbulaa kon ya o hɔl, o va o sɛvaa lenin a lekɔɔli. Cɛɛŋɔnndan, ŋɔɔcianndan a somisominndan la va lasɛvaa lecoo ni.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Esekiɛl 3:3

Mó dimul-la aa: «Po vanacieo, dɔw dembe nɔmndo balo mà pimi pulun nɔmndon a sɛbɛ simbulaa ya co hoo nɔm yɔngoo-o!» Mí dia ndu, mó yeela ya o sondo maa malɛ.

Dɛnnda cɔɔmuanndan 10:11

O kon má dimul-la aa: «Fɔ ma tɛɛnguu vɛlɛ diom Hala-o a ɲɛ ndu Hala tuu le tosaa le vanaa-mangalaa-isɔɔa bɔɔ-bɔɔ, lɛŋnde, sɔɔn mangalan a masaa-o kɔɔ.»

Dɛnnda cɔɔmuanndan 10:9

Mí kɔa kpengii mɛlɛkanɔɔ va-e, mí dimul ndu le ya sɛbɛ pɔmbɔ kon yɔngoo. Mó dimul-la aa: «Bii ndu mà de. O lolnin nɔm o dembe kélélé, kɛ nɔm o sondo, o yeelanin yé-yé maa malɛ.»