Dɛnnda cɔɔmuanndan 10:1 - BII BILA

¹ Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Dɛnnda cɔɔmuanndan 10:1 Iomraidhean Croise

Condii lisai 104:3

má kɛsi calta nɔmndan o halataala coo coocoo. Yumbuyumboo co ɲɛ ɲaanan nɔmndo ni, a co cɔnɔnndo ma va kɔlan o hoeiye nin.

Condii lisai 97:2

Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

Fulaa 16:10

Tuma Aarɔn va sɔɛi o Israɛlla kpow lo-o, mí Israɛlaa kan muli hɔlla ba lɛŋnde veselɛilen, mí biilu Mɛlɛka-o cɔmnun nda o kumnde nin.

Condii kɛndɛ-kɛndɛi 5:15

Vana ca ko pelun ndɔn aa sungbuma nda cɔw a pow humboo-an ni, ma nda tɔl tumndan o sianin diandan nin-ndan pɛɛn. Vana ca ko hɔlaa ndɔa aa pembon Liban ni. O naŋ bɔɔ maa yɔm sɛɛdre.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esai 54:9

Ɲɔɔ vanin le ya paale len maa o palɛi Noe-e nin: bau telen kon mí yáà tiaŋnun maa mɛmma Noe-an ma hin ndɛnin mì ma tiw o lɛŋnden coo le. Lende koni ya co vɛlɛ tioŋnɔn ni maa i dɔwnun ndɛnin tumbé a nɔm te, I kɔngɔlan ndɛnin nɔm te.

Cɛɛŋɔnnda Yeremi lan 3:44

Má viannun o yumbuyumboo nin, yɔŋii piɛile naalen le tiiyaa o nɔm ndo.

Esekiɛl 1:28

Mɛɛ ninginangaa fula o yumbuyumboo coo a paale piɔɔlen nuaa yɛ, lende ɲɛ-tengaa ndóò kilan yɛwve ndu balɔɔ sɔ́-o va ni. Biilu Mɛlɛka-o ndóò cɔmnun kon lende kpendekele ni. Mɛɛ ya ce ɲɛ kon, mí del lɛŋ, mí kuumbuu hɔlla lɛŋ. O kon, mí tuɛi diom vanacieo sɔɛi o ya lo.

Daniɛl 10:6

Kɔɔle ndɔlen le va maa pow krisolite, hɔlaa ndɔa va maa piɔɔ-volia, hɔlta ndɔlan maa yinnde biyaa. Congúla ndɔlan a pelun ndɔn va n'diandaa maa daɲan kpɔlɔkaa, diom ndɔɔ maa diom sɛ́lɛ́ bɛndu.

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Tɔŋ lasálàá 16:2

«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Luke 21:27

O kon, vannda canin Po vanacieo hunɔɔ o yumbuyumboo nin a kpaaya bɛndoo a á biilu bɛndoo.

Dɛnnda kiilaa 26:13

I lo kɔlan, paalen léè va nin le tiiyaa o pol, mí ca pangele bɛndoo fulaa o halataala, ndóò hiow ɲɛ-tengaa lepalaa diondɔɔ, mó balu ya tengaa naa vanaa va ya kɔɔli-a.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Dɛnnda cɔɔmuanndan 18:1

O kon kɔɔli, mí ca mɛlɛkanɔ celen tolɔɔ fulaa o halataala, ndóò nɔ kpaaya lemasaa taw, mí lɛŋnden le tenga a biilu ndɔɔ.

Dɛnnda cɔɔmuanndan 18:21

O kon mí mɛlɛkanɔ kpaayaa pum cua pow va maa ciei lusulaa bɛndu-o, mó mal ndu o mɛmma ihɛllan nin, mó dimi aa: «Nuaa Babilɔn kobi bɛndoo viawnunnin fakolo ni, o kon vana ci lɛnin ndu le.»

Dɛnnda cɔɔmuanndan 20:1

O kon mí ca mɛlɛkanɔɔ tolɔɔ fulaa o halataala, kii soon yingilaa nɔ lamɛɛlu loo a yɔlɔn bɛndon pum va ndu o ba.

Dɛnnda cɔɔmuanndan 4:3

Vanáà ca ko vana kalaa aa pow yaspe a pow sarduan ni. Mí ninginangaa kilan yɛwve o kpɛŋɛ lemasa kon balɔɔ pindo maa pow emerɔd.

Dɛnnda cɔɔmuanndan 5:2

O kon mí ca mɛlɛkanɔ kpaayaa pum yondaa coocoo kpélén aa: «Nɛ̀ɛ́ co yɛ vana kon, o bɛnda mò tɛɛmbuu tɔɔmaselelan ndan, mò kumbi sɛbɔɔ ho-o?»

Dɛnnda cɔɔmuanndan 8:13

Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»