Dɛnnda cɔɔmuanndan 1:9 - BII BILA

⁹ «Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 1:9 Iomraidhean Croise

Matie 20:23

O kon mó dimul nda aa: «Ì co toɲa maa la kolnin a taala kólaa nuu. Kɛ le calle ya o ba kɛndɔɔ coo a o ba mɛllo coo, o co ya le yɔngu vana fondala lan te, le vanaa Fuɲa nuu toosiaa lan-nda la co ni.»

Marke 10:39

Má mulul ndu aa: «N nɔla.» Mí Yeesu mulul nda aa: «Ì co toɲa maa la kolnin a taala kólaa ya kolnin-ndo, mì la nɔla yinɔɔ ya sɔlanin-ndo sɔlaa.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Rɔmnda 8:25

Kɛ te n kɛsi pɛ kɔllo ɲɛ naa n co cɔ loo coo, n cum ndu a biuvɔnndo.

2Korɛntea 1:7

Nduyɛ, n tiindan niaa ɲɛkɛndɛi, kani n sínà maa mɛɛ niaa sɔla sangaa naa ikɛi yɛ, lende koni niaa sɔla vɛlɛ ɲɔɔloo ni.

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Filipea 4:14

Kɛ nduyɛ, la bɛɛndiaa tosà mí la mala ya o pɛŋnde nilen nin.

2Tesalonikea 3:5

Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 11:7

Telen nda ciinin seilen tɛnda-o, visi tɔɔma fulanin o soon yingilaa nɔ lamɛɛlu loo nin-ndo cɔlɔbanin nda, mò nɔla nda, mò diw nda.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Dɛnnda cɔɔmuanndan 12:17

Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.