Dɛnnda cɔɔmuanndan 1:6 - BII BILA

⁶ o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 1:6 Iomraidhean Croise

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

Esai 61:6

Kɛ niaa niaa, a veelunin niaa aa vanaa-solia-lasálàá Mɛlɛka-a. Vannda diminin aa la co o vali Hala niaa nin. La dianin ɲɛ-sɔlaa vanaa-mangalaa-isɔɔa, mì la cal o bolofaa ndaa coo.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Rɔmnda 11:36

Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.

Rɔmnda 15:6

haliko mi la va Hala biiloo a kɔl pilɔɔ a o diom pilɔɔ nin, Hala, Fuɲaa Maalii naa Yeesu Krista!

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

1Piɛr 5:11

Ndu kpaayaa co o ba le fɛɛn a fɛɛn ni. Amiina.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Yude 1:25

biiloo co le Hala Vana naa ciindiaa ndu pilɛ kpé, o Maalii naa Yeesu Krista nin. Biiloo, bɔɔbɔɔyɛi, kpaayaa a dio co le ndu kabi paandu, sunsun a le fɛɛn a fɛɛn. Amiina!

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 20:6

Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»