Dɛnnda cɔɔmuanndan 1:4 - BII BILA

⁴ Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda cɔɔmuanndan 1:4 Iomraidhean Croise

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

Esai 11:2

Kɔl Mɛlɛka-o vanin ndu coo, kɔl kɔlkaloo a kɔl dɛnɛ sinaa, kɔl silaa a kɔl mayoomoo, kɔl sinapɛngoo a kɔl siòòŋii Mɛlɛka-o.

Esai 41:4

Nɛ̀ɛ́-nɛ̀ tosa yɛ dɛnndan ndan? Nɛ̀ɛ́-nɛ̀ tosa yɛ lende? Ndu veelu lambilan kabi o kandɔɔ-o ni. Ya Mɛlɛka ni, ya va o tasoo a lambila taselan ni. Ya koni vanin vɛlɛ a la mɛɛlaalan ni.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Sakari 3:9

Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

Sakari 6:5

Mí mɛlɛkanɔ kon mulul-la aa: ‹Hoiyun sala hiɔɔlun fula o halataala-on co mun ni. N co fulaa nɛɛ n va isisi Maalii lelɛŋ kpow-vo laci-a.›

Nsaŋ 1:1

O kandɔɔ Sɔɛi va, Sɔɛi va Hala ikɛi, Sɔɛi Hala i co ni.

Dɛnnda kiilaa 19:10

Vɔsilan tan tiɔn o va kon tosaa, o kon mí vanaa va o lɛŋnde Asii len nin-nda: Yuifia a vanaa ve N'Yuifi le-a a tuɛi sɔɛi Maalii-e.

Dɛnnda kiilaa 2:9

Nduyɛ, Partea, Mɛdea a Elamnda a co naa tɛɛn. Vanaa pum a fula Mesopotami, Yuda, Kapadɔse, Pɔn, a o lɛŋnde Asii len nin,

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

1Korɛntea 1:3

Màá la sɔla kɛndɛi a kɔlɲuloo fulaa Hala Fuɲaa nda Maalii Yeesu Krista o ba!

2Korɛntea 1:2

Màá Hala Fuɲa naa nda Maalii Yeesu Krista a ke niaa dɛnɛ kɛndɔɔ a kɔlɲuloo!

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 16:5

Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Dɛnnda cɔɔmuanndan 22:8

Ya Nsaŋ, ya tuei dɛnndan ndan mí ca lan ni. Telen ya tuei mí ca lan-ndo, mí del mɛlɛkanɔ va ya lan cɔmndo-o o pelon bɛngu le ndu biiloo.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Dɛnnda cɔɔmuanndan 8:2

O kon kɔɔli, mí ca mɛlɛkaa ŋɔmmɛvaa va isisi Hala o hɔl-la, má ke nda bulula hɔŋaalan tan ŋɔmmɛw.