Dɛnnda cɔɔmuanndan 1:16 - BII BILA

¹⁶ Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

Dɛnnda cɔɔmuanndan 1:16 Iomraidhean Croise

SƐBƐ YƆB-O 38:7

Tuma kon loeon idiiyon va condon a ɲaaloo ni, mí mɛlɛkaa Hala-a va kponyoo viovɔɔ.

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Condii kɛndɛ-kɛndɛi 6:10

‹Nɛ̀ɛ́-nɛ̀ co yɛ hoo fulaa muɲɛɛ maa ɲɛ-tengaa paale siaa? Vanndo ho naŋ maa ipaangu, o dendu maa lepala, kɛ o vueinun bɔɔ maa vanaa cɔw›.

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Esai 24:23

Siɛmbulan la biinin paangei, paalen le tambunin labɛɛ, kani Mɛlɛka-Nɔ-Kpaayaa-Kpow-vo tosanin masalen o pembei Siɔn coo a o kobio Yerusalɛm coo. O tosanin mi biilu ndɔɔ va tengaa kaasoŋaa kɔlkalua ndɔa coo.

Esai 49:2

Mó siinguu sondo nuu maa mɔɛi luɛyaa, mó siinguu ya maa kɔɛi siɛɛmbiɛi, mó kumbu ya a vunduma ba ndɔɔ, mó vian ya o bɔlɔ n'kɔɔ ndɔɔ nin.

Daniɛl 12:3

Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.

Daniɛl 8:10

Mó bandu háá mó sulan a kunda mɛlɛkaa cɔwva o halataala, mó viaw a pum lɛŋ a loeon latulu. Mó nɛw nda a labɛngu.

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Dɛnnda kiilaa 26:13

I lo kɔlan, paalen léè va nin le tiiyaa o pol, mí ca pangele bɛndoo fulaa o halataala, ndóò hiow ɲɛ-tengaa lepalaa diondɔɔ, mó balu ya tengaa naa vanaa va ya kɔɔli-a.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Dɛnnda cɔɔmuanndan 12:1

Mí tɔɔmasele bɛndoo pum cɔmnun o halataala: vanalanɔɔ a volɔɔlan lekɔɔ maa lepala, paangei va ndu o pelon bɛngu, ndóò nɔ mɔsil lemasa nɔ loeon tɔ́ a n'miun-ndo o lebol.

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Dɛnnda cɔɔmuanndan 19:21

Mí vanaa cɔvaa ndaa tɔ̀a kpow a sɔla piɔ́mndo o mɔɛi cɔvii va fulaa vana va o sow coo-o o sondo-e bɛngu, mí yowva kpow a cuungian o visin ndan coo.

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:16

Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Masaa kialaa n'yamaa 3:16

Mí Ehud toosiaa mɔɛi sondola tiɔnde, ì va bandei dunndo lepilɛ. Mó baanun ndi o caŋ, o volɔɔla va ndu lekɔɔ lan bɛngu, o ba kɛndɔɔ coo.

Masaa kialaa n'yamaa 5:31

Àá Mɛlɛka, màá yaamɔaa nɔmnda cuu lende muɛɛn! Màá vanaa kaola nɔm-nda diondu mɛɛ ɲɔɔ tenga a paalen kalale ŋama-ŋama len nuaa yɛ.» Mì kɔlɲuloo muungu o lɛŋnden nin háá le vɔsilan belehiɔɔlu!