Dɛnnda cɔɔmuanndan 1:1 - BII BILA

¹ Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Dɛnnda cɔɔmuanndan 1:1 Iomraidhean Croise

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Daniɛl 8:16

Mí tuɛi diom vanacieo deŋio o pee bɛndoo Ulai coo aa: ‹Kabriɛl, tɛɛsial ndu kɔlɔ vundulen-nden!›

Daniɛl 9:21

mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 15:15

I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 3:32

a ɲɛ o ce mó tuɛi-yo o kɔɔ o co seilen timbio ni, kɛ vana-vana co seile ndɔlen cɛlɔɔ le.

Nsaŋ 8:26

I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Kalatea 1:12

kani i sɔla ndu vanaciee o ba le, i tui ndu vanaciee o sondo le, kɛ Yeesu Krista cɔm ya ndu ni.

Efɛsea 3:3

Mɛlɛka yɔŋnun vana ikɛndɛ le ya, mó cɔɔmun ya le ya sɔɛi viannan o tuu-ve cɔmndo. I sɛva nin sɔɛi ken ɲɛ-pɔmbɔ o sɛbɔɔ ho nin.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Dɛnnda cɔɔmuanndan 1:19

Lelan sɛva ɲɛ n ce-o, o n co cɔu-vo a ɲɛ hun yɔŋnunnin o kon kɔɔli-o.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Dɛnnda cɔɔmuanndan 21:9

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwla va lapiaalan a dɛnnda palaala ŋɔmmɛwla mɛɛlaalan-nda hun soaa o ya lo, mó dimi aa: «Hun i cɔm nɔm lanɔ co kɔlan Saa téndóó o ba o nɔu-vo.»

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Dɛnnda cɔɔmuanndan 22:8

Ya Nsaŋ, ya tuei dɛnndan ndan mí ca lan ni. Telen ya tuei mí ca lan-ndo, mí del mɛlɛkanɔ va ya lan cɔmndo-o o pelon bɛngu le ndu biiloo.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Dɛnnda cɔɔmuanndan 5:7

Mí Saa téndé kon sɔɔnguu, mó bii vana va icali o kpɛŋɛ lemasaa nin-ndo sɛbɛ kon o ba kɛndɔɔ.