Osee 9:9 - BII BILA

⁹ La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Osee 9:9 Iomraidhean Croise

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Esekiɛl 21:28

Vanaa co icali Yerusalɛm lon-nda co ko yiyanndo maa còòlan sɔɔn mun co ni, maa n tosannin te. Kani vannda cuel nda ciɛ́ɔn má mɛnalan nda. Kɛ masaa Babilɔn ndu yiyalan nda haki ndaa, lelan nda sɔlanin biyɔɔ ni.

Osee 10:9

Niaa Israɛlla, kabi o palɛi niaa va Kibea-e, la co hakilan tosaa tuŋ, la mangalan-ndɔ le. Vɛ̀ɛ̀ o co Kibea lon kpeekpei le cɔwvo toalnin vanaa yɔŋ vɔɔnda coo le?

Osee 4:9

Kɛ mɛɛ ya tosanin a vanaa tɔ̀a yɛ, lende koni ya tosanin a vanaa-solia-lasálàá ni. I tosanin mì dɛnnda ndalan la mingulun nda pila.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 9:8

Kɛ kpalilnɔ co mɛɛndanndo le cuavaa-imamaa Efraim-nda-o, vana-tɛɛngaa-diom Hala-o pɛɛn, o co nda Hala nuu latulu. Nɛɛ-nɛɛ o kɔɛ pɛ, a co ndu yaŋɔɔlan hendullo, a co ndu ciŋilanndo háá o Cɛi-Hala ndɔɔ nin.

Sofoni 3:7

O kon mí yiyan maa o laan nin, a kenin ya bɛɛlen, a cɛlnin silala nilan, o kon calta ndalan la tembunin te. Àá! Mbɔ̀ i soŋ nda bɔɔ!› Kɛ nda, idii púŋ nda laasiaa dɛnnda ndalan a yɔŋ vɔɔn nda tosa-o ni.

Masaa kialaa n'yamaa 19:12

Mí vana ndɔ bɛndoo mulul ndu aa: «Ɛ-ɛ, n kuenin o kobi naa n sina hoo vana nin too nin te, kani Israɛlaa co lon te. N hiow mì n kɔɛ háá Kibea.»

Masaa kialaa n'yamaa 19:16

Icɔl pilɛ kon, fal yuuvɛiyo pum va fulaa o ciɛi ndɔɛi nin nɛɛ o va baalaa-a, mó va muungoo ciee. O tàndá n'pembu Efraim-ndo nin ndóò fula ni, kɛ mó va icali Kibea ciee, o tàndá Bɛnyamɛn-ndo nin.

Masaa kialaa n'yamaa 19:22

A lo ɲɛdiaa dioo, mí vanaa fondoa pum o kobi kon nin a hun sɛ́lɔ́ɔ́ fili-fili, má balu cɛiyo sɔ́, má va dioo lɔɔ. Má dimul vana cɛiyo aa: «Solul naa langbanɔ n yiya o nɔm ndo-o. N yeema mì n va a ndu.»

Masaa kialaa n'yamaa 20:43

Mí Israɛlla tiila nda. Má toaw nda, má va nda keiyo diwvo o nɛi. A tosal nda lamamɔɔ le. Má toaw nda háá Kibea a ba paalen le can-ndo.