Osee 9:8 - BII BILA

⁸ Kɛ kpalilnɔ co mɛɛndanndo le cuavaa-imamaa Efraim-nda-o, vana-tɛɛngaa-diom Hala-o pɛɛn, o co nda Hala nuu latulu. Nɛɛ-nɛɛ o kɔɛ pɛ, a co ndu yaŋɔɔlan hendullo, a co ndu ciŋilanndo háá o Cɛi-Hala ndɔɔ nin.

Osee 9:8 Iomraidhean Croise

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Masaa 18:1

Telen vilɛi hiovɔɔ o kon kɔɔli, mí sɔɛi Mɛlɛka-e dimulun Elii o vɔsi yàándɔɔ nin aa: «Kɔ, mà kɔ cɔmnun masaa Akab, kani i co hunɔɔ piɔɔ tuisi o lɛŋnden coo.»

1Masaa 18:19

Viom-ndɔ hau vannda, mà kɔ veelu Israɛlla kpow, mà hun cuungian ya ikɛi o peembei Karmɛl coo nanu, mà veelu vɛlɛ vanaa-tɛɛngaa-diom Baal-la n'van kɛmɛ lehiɔɔlu a beleŋuɛɛnu, a co sɔɔn Baal-lon tɛɛnguuo-a, a n'van kɛmɛ lehiɔɔlua co vanaa-tɛɛngaa-diom piɔmndo Asera-a, a dia ɲɛdiaa latulu nda Yesabɛl-aa-a kpow.»

1Masaa 22:11

Sedekia po Kenaana-o ndóò toosiaa leela n'cilinndan, mó dimi aa: «Mɛlɛka dimi maa a leelan ndan n kuindikuindinin vanaa cɔvaa Aramiia ni háá ma cii nda diw.»

1Masaa 22:22

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon, mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, mà kɔ tosa mɛɛ n dimi nuaa yɛ.›

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

1Masaa 22:6

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i bɛnda mì kɔ del Ramɔt co o tàndá Kalaad-o nin-ndo coo a cɔwvo baa i bɛnda mì kɔɛ le?» Má mulul ndu aa: «Kɔ, kani Mɛlɛka malnin kobi kon nɔm o ba.»

2Masaa 13:21

Paale pilɛ niko, a va vana vílɛ́iyo pum kumbɔɔ, kpafii má ca kunda vanaa del kan vannda coo-a hunɔɔ, má viaw vana vílɛ́i kon o sɛi Elise-o nin a kiltan. Mí dialun vana kon kɔ pilan paala Elise lan, mí vana kon muungu yoomu. Mó can ɲaali, mó sim o pelun ndɔn coo.

2Masaa 2:14

Mó bii doma kon, mó lɔaa mɛnndan a ndu, mó deŋi aa: «Kuɛɛ nɛ Mɛlɛka, Hala Elii-o co yɛ? Kuɛɛ nɛ o co yɛ kpeekpei?» Lende ndu bɛɛ lɔɔ mɛnndan ni, mí ma sɛyan tɛɛn o ba kɛndɔɔ a o ba mɛllo coo, mó taŋ.

2Masaa 2:21

Mí Elise kɔa o soon kólaa, mó kɔ saŋ hɛlle o mɛnndan nin, mó dimi aa: «Diom Mɛlɛka dimi-o co hoo ni aa i cii mɛnndan man dindi, ma dii lɛnin ɲɛ yoomaa le, ma tosa lɛnin mi tɔlɔɔ kɛɛ naŋɔɔ o lɛŋnden nden coo le.»

2Masaa 4:41

Mí Elise dimi aa: «La hun a kpeyanndo.» Mó vow kpeyan kon o kpɛɛnɛi ken nin, mó dimul buɛi ndɔɔ aa: «Yɔngu vannda ndu mà de.» Nduyɛ, mí lol bɛndu va kon lenin-ndo faŋan few.

2Masaa 4:43

Kɛ mí buɛi ndɔɔ ɲuna ndu aa: «Vɛ̀ɛ̀ ya nɔla yɛnin hoo piɔwvo n'van kɛmɛ tɛɛn?» Mí Elise dimi aa: «Yɔngu vannda ha, mà de. Kani Mɛlɛka dimi maa vannda dianin mò lo o tɔ̀.»

2Masaa 5:14

O kon mí Naaman del bɛmbɛ leŋɔmmɛw Yurdɛn o peelo, maa mɛɛ vana-tɛɛngaa-diom Hala-o ndóò dimi yɛ. Mó siangu, mí yáw ndɔɔ muungu maa yáw poombɔ pɔmbɔ.

2Masaa 5:27

Nàà siaŋa va Naaman-ndo co nɔm biyɔɔ a polale nɔmnden kpede, mò va niaa coo le fɛɛn a fɛɛn.» O kon, mí Kehasi faŋan Elise ikɛi, mí nàà siaŋaa fula ndu, mí kɔɔlen kpow le siŋnun ndu lehumbu fo-fo maa fengbɔ.

2Masaa 7:19

Mí simlacinɔ cɔwvo pilɛ o simlacia masaa Israɛl tɛɛn, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosan?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

2Masaa 7:2

Mí simlacinɔ vanaa cɔwva, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosanndo?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

Condii lisai 124:7

Kɛ mí n hialun mɛɛ yowvo hialun o yala vana biyaa n'yowvo nuaa yɛ. Yalaa timbinndo, mí n poondan.

Vana Kɔlkaloo 9:12

Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Condii kɛndɛ-kɛndɛi 3:3

Mí bɔŋan a kpalilaa cumulaa balu cumullo icɔl e kobio mɛɛndanndo-a, mí ɲuna nda aa: ‹La cil-la nihau vanapɔnɔ kɔl nuu kaola-o?›

Esai 62:6

Nɔm Yerusalɛm, i kɛsi kpalilla o kpakila nɔmndan coo, vanaa kan bɛnda mà mei sondo le few, o va ipala, o va icɔl. Niaa vanaa co Maalii veeloo le loonɔnndo a Yerusalɛm o kɔɔ-a, pɛngi co le niaa le!

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Yeremi 14:13

Mí muli aa: «Éé Maalii Hala! Vanaa-tɛɛngaa-diom Hala-a ndaa co nda dimullo aa: ‹Fɛɛn bɛɛ la sinanin ɲɛ co cɔwvo a yima fofolan-ndo le. Kɛ Hala kenin niaa kɔlɲulu kpeekpeiyo o fondaa ho.›»

Yeremi 23:13

Mí ca dɛnnda nɛinun ya lan vanaa-tɛɛngaa-diom Hala-a tɛɛn, o diola hala Baal tan nda va sɔɛi ni, mà luei vanaa nia o pɔwlan nin, Israɛlla pɛɛn.

Yeremi 31:6

Paale hunnin vɛlɛ mì kpalilla yonda o pembun co o tàndá Efraim-ndo nin-ndon coo aa: ‹La cɔn mì n helnun Siɔn o Mɛlɛka Hala naa lo.›

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Esekiɛl 3:17

«Po vanacieo sei, i siinguu nɔm kpalilnɔɔ cuavaa Israɛlla coo. Nɔm, a yaŋ pɛ nilan o sɔɔn vanin fulaa ya o sondo-on, a kɔ hiw mun nda o lani o vomɔɔ nuu bɛngu.

Esekiɛl 33:7

Lelan, nɔm Po vanacieo, nɔm ya siinguu kpalilnɔɔ le cuavaa Israɛlla ni. A bɛnda ma yaŋ nilan o sɔɛi vanin fulaa ya o sondo-e, mà tɛɛngul nda ndi o diola nilan.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Rɔmnda 3:7

Kɛ te Hala sɔla pɛ biiloo o còòla nilan nin, mì toɲa ndɔɔ fula ceen vakpa, le kɔlɔ yɛɛ ya sɔ̀là yɛnin yaalaa maa vana lahaki?

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.