Osee 9:4 - BII BILA

⁴ À solul-lɛnin Mɛlɛka sálàla mamɔilan te, o hini lɛnin kɔl a sálàla ndalan te. À solul lɛnin lasálà le ndu hɛnanndo le. Le nda, ɲɛdiaa vanin maa ɲɛdiaa dɛnɛ palaa. Vanaa dianin ndu-a kpede a siŋnunnin vanaa nɔɔlɛiya. Ɲɛdiaa ndaa dɔawnin nda pila balo, kɛ a lueinin ndu o Cɛi-Mɛlɛka-o nin te.

Osee 9:4 Iomraidhean Croise

Fulaa 29:40

A dii pɛ saa téndé tasoo idiiyo, a kɔndu kpeyanndo kiloo leyàá, o nda vɔɔca a cuɛima kɛndɛ-kɛndɛma olivean litilio pilɛ a tálá-o. O kon kɔɔli, a tala mɔiyan litilio pilɛ a tálá le sálà mamɔiyo le saa téndé oo saa téndé.

Fulaa 40:23

Mó kɛsi buloo lecoo polalen lepilɛ Mɛlɛka o hɔl, mɛɛ Mɛlɛka pila cɔm ndu yɛ.

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Yeremi 16:7

Vana-vana venin le ɲɛdiaa piɔvanndo nda vanaa biisio del-la le nda ɲɔɔlu le. Vana-vana yɔngunin vɛlɛ vanaa fuɲa nda, te kon te kala nda vi-a taala kólaa le nda ɲɔɔlu le.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esekiɛl 24:17

Ŋɔɔcian o kɔl nin, kɛ tosa sɔɔn biisin vanvílɛ́iya le. Vownun mɔsil nɔm vilɛiyo, vownun samtala nɔmndan o n'pelu, kumbu hɔlaa nɔmnda tálá co lebɛngu-o le, dia ɲɛdiaa biisi caanda le.»

Esekiɛl 24:22

O kon, niaa bɛɛ la tosanin mɛɛ ya (Esekiɛl) tosa yɛ. La kumbunin hɔlaa niaa tálá co lebɛngu-o le, la dinin ɲɛdiaa biisi caanda le.

Daniɛl 1:8

Mí Daniɛl kialun o kɔl maa o yeema mò nɔɔlian Mɛlɛka o hɔl o ɲɛdiaa pilɔɔ dioo nin a o mɔima pilɛan kolɔɔ nin nda masaa le. Lelan, mó tɛɛlun Aspenas aa o baŋ ndu nɔɔlianndo a ɲɛm mun te.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Tɔŋ lasálàá 17:11

Kani o koovan nin yoomu ɲaa yoomaa co ni. I yɔngu niaa man le kpekoo solinndo a man o fonda-loamaa-lasálàá coo, haliko mi ma baŋa yoomu niaa. Le tùú yoomoo co o koovan nin-ndo, lelan ma báŋà yoomoo ni.

Tɔŋ lasálàá 21:17

«Soo o Aarɔn-ndo mà dimul ndu aa: ‹Kandɔɔ hau háá le fɛɛn a fɛɛn, vana-vana va pɛ namtanɔɔ o polale ndu Aarɔn-nden coo, vana kon bɛnda mò tiiyal Mɛlɛka ɲɛdiaa sálàá le.

Tɔŋ lasálàá 21:21

Vana-vana va pɛ namtanɔɔ o polale Aarɔn-nden coo, le fɛɛn a fɛɛn, o bɛnda mò sɔɔnguu o fonda-loamaa-lasálàá ikɛi le ya sálàá lumndo le. Le tùú o co namtanɔɔ-o, o bɛnda mò sɔɔnguu a ɲɛdiaa le Mɛlɛka ndu lumndo le.

Tɔŋ lasálàá 21:6

Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

Amɔs 5:22

La solul-la nin bɛɛ sálàla loamaalan, la cuunin ya bɛɛ sálàla kpeyanndan, i cɛl-lɛnin ndan te, i yeema lɛ mì ce cɔlua celulaa niaa co kan diyɔɔ le ya sálàla kɔlɲululan solullo-a le.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Kundalan 19:11

«Vana-vana pilan pɛ vana vílɛ́iyo, mɛ̀ɛ́-mɛ̀ɛ́ o va, ndu siŋnun vana nɔɔlɛiyo ya Mɛlɛka o hɔl le palɛi ndii ŋɔmmɛw.

Kundalan 28:2

«Soo o Israɛlla lo ma dimul nda aa: ‹A cuu ya sálà co le ya-o o telen kelun-ndo, ɲɛm dian ŋɔa mun o yin le ya Mɛlɛka-on, n ya tuɛi cun kɛndɔɔ mì ɲɔɔ hɛnan ya-on pɛɛn.

Kundalan 4:7

O kon, a pɛngɛla vɛlɛ kola nda yin a kaan-ndo o tabali bulu sálà nda kɛsi ya Mɛlɛka o hɔl-lo co coo-o coo, a handu sɛtilan, taalala kólaalan, hɛngɛilan a ɲɛla vovaa mamɛnndan lecoo le sálàla mamɔilan solio. Bulu co o kɛsiaa o tabalio coo lɔ́ɔ́-lɔ́ɔ̀-o, ndu bɛnda mò lo lecoo.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Tɔŋ miingua 26:14

I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.