Osee 9:3 - BII BILA

³ Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Osee 9:3 Iomraidhean Croise

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

2Masaa 17:6

O vɔsi ŋɔmahiɔɔlundɔɔ nin o masale Osee len bɛngu, mí masaa Asiri bii Samari, mó kɔa a Israɛlaa va lon-nda o biyɔɔ nin o lɛŋnde ndɔlen nin. Mó kɔ kɛsi nda o tàndá nɔ diolan aa Halah-o nin, o peo Habɔr kɔngɔ, o lɛŋnde Kosan-nden nin a o kobila Mɛdea nin.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Cɛɛŋɔnnda Yeremi lan 5:6

N co balan siɛndio o Esiptea lo a o Asiriia lo haliko mi n sɔla ɲɛdiaa mò tiw naa.

Esekiɛl 4:13

Mí Mɛlɛka dimi aa: «Lende cuavaa Israɛlla dianin ɲɛdiaa nda nɔɔlɛiyo nɛɛ ya toawnin nda vanaa-mangalaa-isɔɔa tɛɛn-nda ni.»

Daniɛl 1:8

Mí Daniɛl kialun o kɔl maa o yeema mò nɔɔlian Mɛlɛka o hɔl o ɲɛdiaa pilɔɔ dioo nin a o mɔima pilɛan kolɔɔ nin nda masaa le. Lelan, mó tɛɛlun Aspenas aa o baŋ ndu nɔɔlianndo a ɲɛm mun te.

Osee 11:11

A cannin Esipte mà hin a ɲiiyaa maa n'yow. A cannin o lɛŋnde Asiri len nin mà hin a kiltan maa n'poonpoon. O kon, i kɛsinin nda mà cal o cɛila ndalan nin. Ya Mɛlɛka soo lende ni.»

Osee 11:5

Israɛlla muungu lɛnin Esipte le, kɛ masaa Asiri tosanin masalen nda coo ni, kani a kɛɛ le muungoo ya Mɛlɛka o ibuŋ.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Tɔŋ lasálàá 18:28

Mɛɛ lelan, niaa, la nɔɔliaa lɛ len nɔɔliaa celen te, yɔŋii niaa bɛɛ sɛŋin mɛɛ vanaa va icali niaa laci lon-nda sɛŋin yɛ.

Tɔŋ lasálàá 20:22

La bíí tɔŋnda nilan a silala nilan kpow mì la kela lecoo. Te la kela lecoo le, mɛɛ la kɔ lonin icali o lɛŋnde Kanaan-nden nin te.

Tɔŋ lasálàá 25:23

«Lɛŋnden le bɛnda mi le pisin few-few le, kani Mɛlɛka ya nɔ lɛŋnden ni. Niaa co macoaa maa mialla a vanaa hiawnannda o lɛŋnde nilen nin.

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»

Misee 2:10

La cɔn mì la kɔɛ! Kani lɛŋnden nden le co fonda pɛngia le, le cuu nɔɔliaa a hakila niaalan. Le hee, la sanganin taw-taw.›

Dɛnnda kiilaa 10:14

Mí Piɛr muli aa: «Ɛ-ɛ Maalii, kani kabi bɛɛ i di vɔ visi tanaa, te kon te ɲɛ dindu Mɛlɛka o hɔl too le.»

Tɔŋ miingua 28:63

Mɛɛ Mɛlɛka ndóò naŋ kɔl le niaa dɛnɛ kɛndɔɔ tosallo a le niaa vangalaa yɛ, o naŋnin vɛlɛ kɔl lende le niaa yɛɛvɔɔ dɔvɔɔ a le niaa ciiyo diwvo. O kon, o faŋanin niaa o lɛŋnde niaa co kɔlan hiɔlɔɔ len coo.

Tɔŋ miingua 28:68

Mɛlɛka minginin niaa Esipte o dɛ̀ndɛ̀lan nin. La muungunin o nɛi yáà dimul niaa aa la muungu lɛ o nɛi kon too coo. Lon niaa pila yeemanin le pisinndo yaamɔaa niaa o ba le siŋnɔnndo cɛa ndaa a buɛyaa ndaa ni. Kɛ vana-vana venin le niaa piondɔɔ le.»

Tɔŋ miingua 4:26

i cua hau halataala a lɛŋnden seilen, la tamalanin le cuvɔɔ o lɛŋnde niaa co Yurdɛn taŋɔɔ le len hiɔlɔɔ len nin te. Yoomu niaa bendunin o lɛŋnde len nin te, kani la co cuvɔɔ itambu kpow.

Yosue 23:15

Nduyɛ, maa mɛɛ Mɛlɛka Hala niaa peelu kpemala kɛndɛla ndóò yiilu niaa lan yɛ, lende koni o peelunin dɛnnda palaala o kɔngɔlan le niaa tuisio coo lan ni, háá mì la hun cuu itambu o lɛŋnde kɛndɛle o yɔngu niaa len coo.