Osee 9:13 - BII BILA

¹³ Mɛɛ ya co Efraim cɔu yɛ, cuavaa ndɔa siŋnun maa visi doosua toaw-vo. O co nda malɔɔ kɔlan vana diyaa o hɔl.

Osee 9:13 Iomraidhean Croise

2Masaa 15:16

Tuma kon mí Menahɛm del kobio Tifsa coo a cɔwvo, mó diw vanaa va lenin-nda kpow, mó tɛɛmbuu ɲɛ-ɲɛ va o tàndá kon nin, kandɔɔ o kobio Tirsa kɔlan háá Tifsa. Le tùú ndáà kɛɛ le ndu diola luɛyaala kobi kon kumbillo-o o diw vanaa va o kobi kon nin-nda ni, mó tɛɛndiaa vanaa lafolia kpow dembelan.

SƐBƐ YƆB-O 27:14

Te cuavaa ndɔa kui pɛ, o mɔɛi cɔwve bɛngu nda cuunin vu ni, cuavaa ndɔa imamaa yɛ, a sanganin a yima fofolan.

Yeremi 7:15

I toawnin niaa polon, mì la faŋan ya o hɔl mɛɛ ya tow puapilɛa niaa yɛ, polale Efraim-nden pɛɛn.»

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»

Esekiɛl 27:3

Dimul ndu aa: ‹Òó nɔm co hoo icali o mɛmma ihɛllan kɔngɔ-o, nɔm co hoo yulalen tosaa a vanaa-mangalaa-isɔɔa taw a lɛŋii co o mɛnndan tɛɛn-nde sɛ́lɛ́ bɛndoo taw-vo. Tuei-yɔ mɛɛ Maalii Hala dimi yɛ aa nɔm Tir a va dimio aa a tiwnun bɔɔ a naŋɔɔ!

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 9:16

Polale Efraim-nden le keŋnun, mí dumbule ndɔlen le vesa. A soli lɛnin n'cuaw le. Taa velu yɛ pɛ cuawva, i yaanin cuavaa nda kaolanin kan-nda ciee-piɔ́m.»

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»