Osee 9:12 - BII BILA

¹² Taa manda pɛ cuawva, telen cuavaa kan kandunin fulaa lenin-ndo, i poonda nda nda o ba. Dɛnɛ palaa vanin le nda lɔ́ɔ́ ya malnin nda mì faŋan nda ikɛi-yo.

Osee 9:12 Iomraidhean Croise

2Masaa 17:18

O kon, mí Mɛlɛka tuulu kɔl taw-taw a Israɛlla, mó faŋa nda ndu pila o hɔl few. Fɔ polale Yuda len daama mí le lo.

2Masaa 17:23

háá mí Mɛlɛka toaw nda, má faŋan ndu o hɔl, mɛɛ ndóò dimi ndi a sondo vanaa ndɔa baalaa yɛ, vanaa-tɛɛngaa-diom Hala-a pɛɛn. Má kɔa a Israɛlla levil polon o cɛlen nin, o lɛŋnde Asiri len nin. Má kɔ va lon háá paalen nden.

SƐBƐ YƆB-O 27:14

Te cuavaa ndɔa kui pɛ, o mɔɛi cɔwve bɛngu nda cuunin vu ni, cuavaa ndɔa imamaa yɛ, a sanganin a yima fofolan.

Yeremi 15:7

O kobila co o lɛŋnden nin-ndan kpow, mí hul nda a fɛlɛ ni hɛyaa, mí hoeiye sɛŋi vanaa nia nɛɛ-nɛɛ ka, mí luei vanaa nia mulé le tuŋɔɔ ya tuŋ nda cuawva-o, kɛ a mangala kela ndaa le.

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»

Osee 7:13

Dɛnɛ palaa co nda cum le ɲaanɔn nda ɲaanun ya-o! Mɔnɛi co nda laci le tùú nda simul-la-o! Yáà yeema le nda ciindiaa, kɛ còòlan kposon nda co ya dimullo ni.

Osee 9:13

Mɛɛ ya co Efraim cɔu yɛ, cuavaa ndɔa siŋnun maa visi doosua toaw-vo. O co nda malɔɔ kɔlan vana diyaa o hɔl.

Osee 9:16

Polale Efraim-nden le keŋnun, mí dumbule ndɔlen le vesa. A soli lɛnin n'cuaw le. Taa velu yɛ pɛ cuawva, i yaanin cuavaa nda kaolanin kan-nda ciee-piɔ́m.»

Malasi 2:12

Mɛlɛka sɛinin vana co dɛnɛ kon tosaa-o. Vana-vana fula vɛlɛ pɛ o yungu Yakɔb-o nin, mò soo le vana kon, te kon te le Mɛlɛka-Nɔ-Kpaayaa-Kpow-vo sálàá solullo le ndu, vana kon bɛɛ, Mɛlɛka sɛinin ndu mò soli ndu caanda tɛɛn.

Kundalan 14:34

La tosa palɛi belehiɔɔlu o suansuaannden nin, la sɔlanin vɛlɛ sangaa le yɔŋ vɔɔn niaa o vɔsilan belehiɔɔlu bɛngu, vɔsio pilɛ le paalen lepilɛ. Lepalaa-lepala, la co va kɔmnde yɔŋ vɔɔn niaa kiɔndɔɔ. O kon, la sinanin mɛɛ sala vana simul ya Mɛlɛka-o co yɛ.

Kundalan 26:65

kani Mɛlɛka ndóò dimul nda nin maa a co cuvɔɔ vu kpede o lɛŋnde veselɛilen nin. Vana pilɛ bɛɛ ve lɛ yoomu le, fɔ Kalɛb po Yefune-o a Yosue po Nun-ndo.

Tɔŋ miingua 28:18

O dɔawnin hɔ́aa niaa, tɔlɔɔla niaalan, kɔmnde navaa niaa a kɔmnde saa niaa danga.

Tɔŋ miingua 28:32

Vanaa-mangalaa-isɔaa pum biinin poaa niaa a cuavaa niaa laandua o cɛlen nin, la lonin tofaa o nɛi le hɔ́aa kan muungoo niaa o ibuŋ háá mi la sanga, la nɔlanin ɲɛ-ɲɛ tosa le muungu ndaa le.

Tɔŋ miingua 31:17

Kɛ kɔl ni tuwvo toalnin nda coo paale len. I faŋannin nda ikɛi, mì vin nda hɔlaa niaa. A tambunin taw-taw, sangalan a dɛnnda palaala bɔɔ-bɔɔ la toalnin nda coo. A diminin telen kon maa a toɲa, le tùú ya Hala co lɛ nda tɛɛn too sangalan ndan kpow la tol nda coo ni.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Masaa kialaa n'yamaa 4:16

Mí Barak toaw ɲɛla ɲaanannda soa nan-ndan a vanaa cɔvaa kan háá Harosɛt-Koyim. Mí vanaa cɔvaa Sisera-a kpow a sɔla piɔ́mndo o cɔw kon nin, vana pilɛ bɛɛ helun te.

1Samiɛl 16:14

Mí kɔl Mɛlɛka-o faŋan Saul nin. Mí kɔl vɔɔndo pum fula Mɛlɛka o ba, mó luɛi ndu nin, mó va ndu saangiaa taw.