Osee 9:1 - BII BILA

¹ «Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Osee 9:1 Iomraidhean Croise

Condii lisai 73:27

Vanaa co nɔm Hala faaŋianndo-a co yoomu ndaa ciiyo, vanaa co kɛɔ le lou o lediom coo a nɔm-nda co tambei.

Esai 17:11

Paale niaa tɔal tɔlɔɔ kon-nden, la ce ndu vulɔɔ, diimandɔɔ idiiyo, la ce kulun niaan mun cuuloo. Kɛ telen niaa bɛnda le kulun mun kovɔɔ-o, ɲɛ cuulu-o foofi, o kon dɛnɛ palaa kon cɛ̀wnun te.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Esekiɛl 16:15

Kɛ nɔm yɛ, má puulun naŋɔɔ nɔmndo a tɔ́ɔ́ n kela-o, má luɛi laasianndo a suundaa. Má lɔngɔliaa vana-vana va keiyo lon a suunda nɔmndo, má yɔngun nda kpow.

Esekiɛl 16:30

Kpòkóó Yerusalɛm, kɔl nɔmndo laasian bɔɔ! A tosa dɛnndan ndan kpede maa vanalanɔɔ suundɛi hiow vanlaandua kpow suundaa-o. Sɔɛi fula Maalii, o co Mɛlɛka-o o sondo-e co ken ni.

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›

Esekiɛl 21:10

O kon ɲɛ-ɲɛ yoomaa sinanin maa ya Mɛlɛka, i soli mɔɛi nii cɔwve o boo ndɔɔ nin. Nduyɛ i muungu lɛnin lenin te.›

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 2:12

A toɲa, i ciinin ndu bɛ̀ɛ̀lan mì siɛmbulan la tol ndu sámáá ndɔa o hɔl kpendekele. Vana-vana kuunanin ya ken tosa le.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Amɔs 6:13

Le ɲɛm co ɲɛ-ɲɛ le-on niaa dɔawnun ɲaale ni. La co kuundianndo a dimio aa: Vɛ̀ɛ̀ o co a kpaaya naa pilaa le naa n sɔla yoomuan man te?

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Nsaki 4:16

Kɛ sisa, la co kuundianndo o yiyannda niaala yongalan nin. Kuundian vaa lende kpow vɔw ni.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.