Osee 8:2 - BII BILA

² À yondanin o ya lo aa: ‹Hala naa, n sinà nɔm, naa Israɛlla.›

Osee 8:2 Iomraidhean Croise

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

2Masaa 10:29

Kɛ a kon kpow, Yehu soli balan o hakila Yeroboam, po Nebat-o va tosaa lan nin te. Nduyɛ, Yeroboam kon ndóò mal Israɛlla o pɔwlan nin ni, má va navaa nda cɔw a sianion-nda sooloo Betɛl a Dan.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 8:3

A kɛɛ ɲɛ kɛndɔɔ. Lelan, yaamɔɔa toawnin nda.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Matie 25:11

Ɲɔɔ viovɔɔ ká-ká, mí felengia laandua pilla bɛɛ a hun, má dimi aa: ‹Maalii! Maalii! Kumbil naa dioo!›

Matie 7:21

«O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

1Nsaŋ 2:4

Te vanndo dimi pɛ aa: «I sínà Hala», mò bii tɔŋnda ndɔlan te, mɛɛ vana lacòòvaa o co ni, o nɔ toɲa o kɔl te.