Osee 8:10 - BII BILA

¹⁰ À co bɛɛ vanaa-mangalaa-isɔɔa ɲɔɔn keo nuaa, telenndo tiiya le mì cuungiaa nda. O lo ɲɛ-pɔmbɔ mà luɛi o sangaa nin, o kpòndò masa kpaaya bɛndoo bɛngu.

Osee 8:10 Iomraidhean Croise

2Masaa 14:26

Kani mí Mɛlɛka ca mɔnɛi Israɛlla va nin-nde a sanga bɛndu va nda kpow coo-o. Cɛ ve lɛ le, hɔ́ɔ́ ve lɛ le, vana-vana ve le nda malaa le.

2Masaa 17:3

Mí Salmanasar, masaa Asiri hun del ndu coo a cɔwvo, mí Osee luɛi ndu o ba bɛngu, mó va muloo malɔɔ ndu o ba.

2Masaa 17:4

Kɛ telen pum, mí masaa Asiri ciiku maa Osee yii ndu dúmbú, kani mí Osee yaa kiilaa o So lo, masaa Esipte pɛɛn, mó kɛɛ le muloo malɔɔ Salmanasar, masaa Asiri o ba mɛɛ ndóò dema ndu malɔɔ ndu o ba yɛ. Le hee, mí masaa Asiri bii Osee, mó mal ndu o kaasoo.

1Dɛnnda lemasalan 5:26

Le hee, mí Hala Israɛlla luei Pul nda Tilkat-Pilnesɛr va masaa Asiriia-a yiyanndo nin, má kɔ del poaa Rubɛn-nda, poaa Kad-a a poaa va o polale tálále Manase len nin-nda coo, má bii nda, má kɔa a nda o cɛlen nin o fonda nɔ diolan aa Hala-o, Habɔr a Hara a o peo Kosan kɔngɔ, a co vɔ icali lon háá paalen nden.

Esai 10:8

Kani o dimi aa: ‹Vɛ̀ɛ̀ cuavaa lemasaa niaa o co maa masaa le nda co le?

Esai 30:2

A co tuusoo Esipte a co ya ɲuna le, a co tuusoo lon le kɔlan vionnɔnndo masaa Esipte o ba bɛngu, le kɔlan yifanndo o vunduma Esipte-an bɛngu!

Esai 36:13

O kon kɔɔli, mí bolle vanaa yɔngù masaa mɔiyan-nda sɔɔnguu, mó deŋi coocoo a yoomuma ndɔan kpede o hebrei nin aa: «La yaŋ-ndɔ nilan o sɔɛi masa bɛndoo dimi-e, masaa Asiri pɛɛn!

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Esekiɛl 16:33

Kani vanlaandua co suunda leyulaa-a kpede, sala ndaa vana yɔngu nda ni. Kɛ nɔm, nɔm pila yɔngu sámáá nɔmnda kpede ɲɔɔn ni, má piandu nda a ɲɛm nɔmndon, haliko ma fula nɛɛ-nɛɛ ka, mà hin o nɔm ndo le suundaa a nɔm.

Esekiɛl 16:37

i co sámáá nɔmaa n va tiɔmɔɔ-a kpede mɔɔsiaa, vanaa n kaola-a kpow a vanaa n nɔ nɛyɔn ndaa-a kpede. I cuunin nda fulaa nɛɛ-nɛɛ ka, mì cuungiaa nda le nɔm cɔlɔbaa, mì yunga nɔm nda o hɔl, mì mal nɔm tum fondo fúú, mì nda kpow a ce tum fondo nɔmndo kpendekele.

Esekiɛl 22:20

mɛɛ vana dɔaw volin latámán, daɲan, cilinndon, ciliŋun dingɛnndon a ciliŋii humbuei o kpɛɛnɛi nin má sɛndi yinnden le mun teengiaa yɛ, lende ya cuungiaanin niaa o kɔl ni tuwvo a o kɔl ni fulaa nin ni. I cuungiaa niaa pɛ, i kɛsi niaa, i teengiaa niaa.

Esekiɛl 23:5

Mí Ohola va le ya-o luɛi suundaa, mó yom yomndo pila le sámáá ndɔa, Asiriia pɛɛn, vanaa nda calnan macɛlu-a,

Esekiɛl 26:7

Kani nuaa Maalii, o co Mɛlɛka-o dimi ni aa: «I viamnin Nebukanɛsar masaa Babilɔn, masa hiow masaa-o, mò cɛn a maluaŋ, mò hinul kobio Tir a soa, a ɲɛla ɲaanannda soa nan-ndan, a vanaa ɲaanun a soa-a, a vanaa cɔwva taw-taw, a sɛ́lɛ́ bɛndu-bɛndoo kɔɔli.

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Osee 10:10

I soaŋnin nda mɛɛ ya yeema yɛ. Vanaa súúla celennda cuungiannin mà del nda coo, mà yiw nda a yɔlɔn le hakila ndala tiɔnndan.

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Aasee 2:6

Kani nuaa ya Mɛlɛka-Nɔ-Kpaayaa-Kpow-vo dimi ni aa: ‹O lo cɔɔlu cobe mì hiilu halataalaa a lɛŋnden, mì hiiluu mɛmma ihɛllan a lɛŋnde kɔngɔlen.