Osee 8:1 - BII BILA

¹ «La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Osee 8:1 Iomraidhean Croise

2Masaa 18:27

Kɛ mí bolle vanaa yɔngù masaa Asiri mɔiyan-nda mulul nda aa: «A ca ko aa o vana nɔm bɛndoo lo a o nɔm pila lo daama vana ni bɛndoo vem ya sɔɔn mun dimio ni? O vanaa co kan icali o kpakio coo-a lo kpow o vem ya ni, kani niaa ndaa vanin poola niaala niaa pila lan dioo a tuilima niaama niaa pila-an kolɔɔ ni.»

Esai 18:3

Niaa vanaa co o ceendo coo-a kpow, niaa co icali o lɛŋnden coo-a kpow, la tofa vɔ lɛfɛ nda co heeloo o pembon coo-o. La yaŋ-ndɔ nilan mì la tuei bulu co hɔŋnɔnndo-o!

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Yeremi 34:18

I malnin vanpiaandua tɛɛmbuu kan kpema nuu-a yaamɔɔa o ba. A kɛɛ kan kela o nɛila kpema nda yii ya o hɔl-lo lan coo-a pɛɛn. Nda yɛ, má kei o bungan miuŋun naw sálà nda dii-o tɛɛn.

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Yeremi 48:40

O Mɛlɛka dimi-o co hoo ni aa: «Mɛɛ kovɔ́ɔ̀ pɛɛnga bɔɔlan mò kilan coocoo yɛ, yaamɔɔ co kilanndo Moab coo ni.»

Yeremi 49:22

Mɛɛ kovɔ́ɔ̀ hel coocoo pɔ́, mò pɛɛnga kumbanndan, mò hiŋnun yɛ yaamɔɔa co Bɔsra mɛngɛlaa ni. Paale len, kɔlta kuubaa cɔwva Edɔm la vanin maa kɔl vanalanɔ co le violɔɔ-o.»

Yeremi 51:27

La heelu tɔɔmaseloo o lɛŋnden nin! La hɔŋ buloo vanaa-mangalaa-isɔɔa tɛɛn, mì la mɔɔsiaa vannda le Babilɔn kuello, la yoongu masɛi he le ndu kuello: Ararat, Minni a Askenas. La handu simlacia vanaa cɔwva le vannda diolan sɛvaa le nda cɔlɔbaa. La yɔɔ soa le ndu delɔɔ coo a cɔwvo, mɛɛ sóónɔa kela kunda bɛndoo nuaa yɛ.

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Esekiɛl 11:4

Lelan, tɛɛngul nda diom fula Hala o sondo-o, tɛɛngul nda ndu, nɔm Po vanacieo.»

Esekiɛl 16:59

Kani nuaa Maalii Hala dimi ni aa: «I tosalnin nɔm Yerusalɛm mɛɛ nɔm bɛɛ tosa yɛ, kani a tɛɛndan sendí n mɛnan-ndo, má tɛɛmbuu kpemaa.

Esekiɛl 17:3

Dimul nda aa nuaa Maalii, o co Mɛlɛka-o dimi ni aa: ‹Kovɛ bɛndoo pum cɛn ni, ndóò nɔ kumbannda bɛndulan a bɔɔla vilɛilan, bɔɔla ndɔlan la va lapooɲɛilan, mó kɔa háá Liban, mó kɔ sungu yɔm sɛɛdre bollen.

Esekiɛl 7:14

A hɔŋnin bɛɛ buloo, ɲɛ-ɲɛ vanin o bɛɛndian, kɛ vana-vana kuenin o cɔwvo le, kani kɔl ni tuwvo piɔndinin le tolɔɔ sɛ́lɛ́ nda bɛndu-bɛndoo coo.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 6:7

«Kɛ mɛɛ Adam tosa yɛ, la tɛɛmbuu kpemaa, mí la yii ya dúmbú.

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yɔɛl 2:15

La hɔŋ buloo o kobio Siɔn nin. La yonda le sumndo biyɔɔ a le bɔŋan lekaando tosaa.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Amɔs 8:3

Paale len, caŋndan la vanin condon o cɛi lemasaa nin ni. Lende ya Maalii, ya co Mɛlɛka-o dimi ni. A vanin vanvílɛ́iya taw-taw viovɔɔ nɛɛ-nɛɛ ka o mei bɛndoo nin kpili-kpili.»

Amɔs 9:1

Mí ca Maalii isisi o fonda-loamaa-lasálàá coo. Mó dimi aa: «Lɔɔ sungbuan bolle haliko mi kèédeon hiilun. Yimi man nda kpow o lebol. Vanaa lonin yoomu o nda tɛɛn-nda, i tɛinin nda a mɔɛi cɔwve. Hali vanndo ndu pilɛ, o nɔlanin ɲaanɔnndo le yoomu ndɔɔ baŋaa le, vana-vana nɔlanin hiɔlɔnndo le.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

Sofoni 1:16

Paale bulu hɔŋaa a lee saa kóndóó soaanin-nden, paale len, vana tuɛinin vóólun-vóólunn cɔwvo le kobila mayoomulan a cɛila coocoolan biyɔɔ.

Sakari 11:1

«Niaa vanaa co Liban-nda, la kumbi diola niaalan, mì yinnden le luɛi, mì le lom yɔmii sɛɛdrei.

Sakari 9:14

«Mɛlɛka fulanin nda coo fɛlɛmɛndɛn, mì kɔɛi ndɔɛi kɔɛ a kiltan maa piɔɔ-volia, Maalii, o co Mɛlɛka-o hɔŋnin buloo, mò hinul nda o hoeyii fùkù-fùkùi fula a ba too-e nin.

Matie 24:28

Nɛɛ ɲɛ vílɛ́iyo co-a, lon duàá cuungian ni.»

1Korɛntea 15:52

o telen bingi bɛngu, o biɔŋɔɔ lepilɔɔ, lɔ́ɔ́ bulu mɛɛlaa hɔŋnunnin-ndo. Kani buloo soaanin mì vanvílɛ́iya tendul, a venin a siovɛi le, o kon naa bɛɛ n mangalanin.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.