Osee 7:8 - BII BILA

⁸ Cuavaa-imamaa Efraim-nda muulian a vanaa-mangalaa-isɔaa celen. Polale Efraim-nden le yɔŋnun fùlúfúlù nda mulumulu o toŋɔɔ loo.

Osee 7:8 Iomraidhean Croise

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

Ɛsdras 9:12

La kɛ́sì cuavaa niaa laandua o nɔ̀lan poaa mialaa kan o ba le. La yil vɛlɛ cuavaa ndaa laandua o nɔ̀lan le poaa niaa le. La fula dɛnɛ nda kɛndɔɔ lehɔl te, la buulan le naŋɔɔ vanaa-mangalaa-isɔɔa sina kan Hala le-a le. Lende niaa siŋnunnin lɛŋnde kpaaya len ni, mì la de kulun kɛndɛn lelɛŋndon, mì la mel vɛlɛ poaa niaa lɛŋnde len kɛ́ɔ.

Condii lisai 106:35

Má muulian nda vanaa sina Hala le-a, má muungu namula vanaa kan tosaa.

Osee 5:13

Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

Osee 9:3

Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»