Osee 7:7 - BII BILA

⁷ Nda kpow, a co a tuw kpɛikpɛi maa cɛi loamaa bulu. À co simlacia ndaa lumio, masaa ndaa kpow a co cɛɛlɔnndo. Kɛ o nda tɛɛn vana-vana co ya Mɛlɛka veelu le.

Osee 7:7 Iomraidhean Croise

1Masaa 15:28

O vɔsi yàándɔɔ o masale Asa va masaa Yuda-o len bɛngu Baesa dii Nadab ni, mó koma sul masaa o fonda ndɔɔ.

1Masaa 16:18

Lɔ́ɔ́ Simri ce maa kobio cuu biyɔɔ-o, mó kɔ luɛi o cɛiyo pum nin o bɛ́ɛ̀ lemasaa nin, mó mal yinnden o bɛ́ɛ̀ kalaa, mí ndu pila vu o yinnde len nin.

1Masaa 16:22

Kɛ o mɛɛlulan, mí vanaa ndáà yeema Ɔmri-a hiaw vanaa ndáà yeema Tibni po Kinat-o-a sɛ́lɔ́ɔ́. Tibni vuo, mí Ɔmri koma siŋnun niko masaa.

2Masaa 10:14

Mí Yehu deŋi aa: «La biw nda a kiyɛiya!» Má biw nda a kiyɛiya, má diw nda, má viaw nda o soon mandaa mamɛnndo Bɛt-Ekɛd nin. A va n'van belehiɔɔlu a vanaa ŋiɔn. Vanndo pilɛ bɛɛ Yehu mɛi le.

2Masaa 10:7

Sɛbɛla lan komallo simlacia, má biw poaa belaŋɔmmɛvaa masa kon, ma kili nda bolle kpede. Má vow ndi o kambɛilan nin, má yoo Yehu ndi nɛɛ o va Yisreɛl-la.

2Masaa 15:10

Mí Salum po Yabɛs-o yii ndu dúmbú, mó dii ndu vannda o hɔl. Lende o dii ndu ni, mí ndu koma sul masaa o fonda ndɔɔ.

2Masaa 15:14

Mí Menahɛm po Kadi-o can Tirsa, mó heelu Samari, mó kɔ dii Salum po Yabɛs-o Samari lon. O kon, mó koma sul masaa o fonda ndɔɔ.

2Masaa 15:25

Mí simlacinɔ vanaa ndɔa cɔwva pilɛ, Peka po Remalia-o yii ndu dúmbú, langbaa fula o tàndá Kalaad-o nin-nda n'van beleŋuɛɛnu a va ndu kɔɔli ni. Mó kɔ dii ndu o cɛi pɔmbɔɔ pum nin o cɛi lemasaa nin Samari, mó dii vɛlɛ Arkɔb nda Ariee. Mɛɛ o cii ndu diyɔɔ, mó koma sul masaa o fonda ndɔɔ.

2Masaa 15:30

Mí Osee po Ela-o yii Peka po Remalia-o dúmbú, mó dii ndu. Mó koma sul masaa o fonda ndɔɔ vɔsi Yotam po Osias-o suili vɔsilan bidiin o masalen-ndo.

2Masaa 9:24

Mí Yehu kindu kpaasiaa ndɔɔ, mó mal, mí kɔɛi kɔ bii Yoram o congúla tumndan tɛɛn, mí i kei ndu kɔllo buli, mí i kɔ fula lekɔɔli. Mí Yoram del o ɲɛ ɲaanan ndɔ soa nan-ndo nin.

2Masaa 9:33

Mí Yehu dimul nda aa: «La ɲindu ndu lɛŋ!» Má ɲindu ndu, mí kooma ndɔan ma vesulun o cìì cɛiyo, mí ma vesulun vɛlɛ soa. Mí Yehu kei ndu coo a ɲɛ ɲaanan ndɔ soa nan-ndo.

SƐBƐ YƆB-O 36:13

Kɔltuwvo tuŋ co vanaa kɔl vɔɔnda nin ni. Hala va nda bɛɛ yiiyo a yɔlɔn, a veelu le mala sɔla le.

Condii lisai 14:4

Mɛlɛka dimi aa: «Vanaa co dɛnnda vɔɔnda lan tosaa-a kpow a nɔ sinapɛngu le, à co kan yungu nuu dioo mɛɛ vana dia baloo nuaa yɛ-a pɛɛn. À co ya Mɛlɛka piɛi le.»

Esai 43:22

«Éé niaa cuavaa Yakɔb-a, la piɛi ya le few! Kpòkóó Israɛlla, mbɔ̀ la sanga a dɛnɛ nuu fɔ́!

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Esai 64:7

Nduyɛ nɔm Mɛlɛka, nɔm co fuɲa naa ni, naa naa, puulu cɔavaa n'kpɛɛnɔɔ naa n co ni, nɔm co vana cɔw naa-o ni, naa kpow, vali bala nɔmndan la tosa-o naa n co ni.

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

Daniɛl 9:13

Maa mɛɛ o sɛvan o tɔŋ Moise-o nin yɛ, mí sangala lan la toal naa coo. Kɛ hali kon, n cɛl le nɔm Mɛlɛka Hala naa kɔllo ɲulullo mí n mal yɔŋ vɔɔn naa le. N kindin le toɲa nɔmndo biyɔɔ le.

Osee 13:10

Ɔ́ɔ̀ niko masa niaa? Mɛɛ o baŋa niko niaa o kobila niaalan kpow nin! Kuɛɛ simlacia niaa co yɛ? A niaa va dimio a nda o kɔɔ aa ya ke niaa masaa a simlacia-a pɛɛn.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 7:10

Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Osee 8:4

À kennun masaa, à ɲuna ya le, má hɛli simlacia, i ve o sina nin te. Má cɔaw piɔmnda a volin ndan a á sianin ndan, Ken nda tosa ni le laasianndo.

Misee 2:1

«Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.