Osee 7:5 - BII BILA

⁵ O paale kafole masa naa coo, vanaa bɛndua kol pɛ mɔiyan tei, a yɔŋnun maa vanaa nàà. O kon, masaa siɛndul vanaa mam vannda-a baa.

Osee 7:5 Iomraidhean Croise

O Kandɔɔ 40:20

Mɛɛ palɛi yaa hiow, mí Faraɔnnɔɔ tuisi kafoo le paale o velun-nden yelelaa. Mó toosiaa ɲɛdiaa kafoo le vanaa bɛndua kpow.

1Masaa 13:4

Mɛɛ masaa Yeroboam tuei sɔɛi vana-tɛɛngaa-diom Hala-o dimi ken a fonda-loamaa-lasálàá Betɛl o kɔɔ-e, mó siɛndi baa o fonda kalaa coo, mó yonda aa: «La bii langbanɔɔ ho!» Kɛ mí ba o siɛndi kon-ndo kengela, mó vesa sɛ́ɛ́n, o tiw lɛ ba le ndu mingio tuvɔɔ le.

Condii lisai 1:1

Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

Condii lisai 69:12

I vownun volɔɔla biisilan, mí nda va ya cuunduuo o condon nin.

Talelan 13:20

Vanndo kela pɛ a vana kɔlkaloo, ndu bɛɛ kendu kɔl. Kɛ vanndo kela pɛ a diɔm sondo vesɛiyo vana kon kɔndu dɛnɛ.

Talelan 20:1

Hɔlla mɔiyan ma heelu vanacieo ni, mì mɔima nɛyan ma luei vana o poopoo. Vana yɔngun man pɛ o siŋnun vana kɔlkalu le.

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Esai 28:14

Lelan, niaa vanaa mamaa n'vannda, la yaŋ nilan o sɔɛi Mɛlɛka-e, niaa vanaa co haa Yerusalɛmnda masalen tosaa coo-a!

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Osee 7:3

A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Matie 14:6

Nduyɛ, o kafo paale vialannde Herɔde len coo, mí cua Herodiade-o ya vanaa va o kafo kon coo-a o hɔl. Mɛɛ ɲɔɔ hɛnan Herɔde tei,

Marke 6:21

Kɛ paale pilɛ, ɲin Herɔde va paale ndɔle vialannden yelelaa-o, mó yaw ɲɛdiaa le vanaa ndɔa lebɛɛa, simlacia vanaa cɔwva a vanaa sɔvɛa kɛ́-kɛ̀ va Kalile.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.