Osee 7:3 - BII BILA

³ A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Osee 7:3 Iomraidhean Croise

1Masaa 22:13

Mí kiilanɔ kɔɛ Misee veeloo-o dimul ndu Misee aa: «Vanaa-tɛɛngaa-diom Hala-a kpow a cɛlan le masaa sɔɔn kɛndɔn tɛɛngullo aa o nɔlanin cɔwvo. Lelan, nɔm bɛɛ kɔ ma kɔ dimul ndu diomnda kɛndɛlan maa nda.»

1Masaa 22:6

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i bɛnda mì kɔ del Ramɔt co o tàndá Kalaad-o nin-ndo coo a cɔwvo baa i bɛnda mì kɔɛ le?» Má mulul ndu aa: «Kɔ, kani Mɛlɛka malnin kobi kon nɔm o ba.»

Yeremi 37:19

Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Osee 10:13

Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 5:11

Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Osee 7:5

O paale kafole masa naa coo, vanaa bɛndua kol pɛ mɔiyan tei, a yɔŋnun maa vanaa nàà. O kon, masaa siɛndul vanaa mam vannda-a baa.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

1Nsaŋ 4:5

Ceendo nɔ vanaa kan ni. Lelan nda soaa maa vanaa ceen ni, mì ceendo yaŋ nda nilan.