Osee 7:2 - BII BILA

² Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 7:2 Iomraidhean Croise

SƐBƐ YƆB-O 34:21

Kani Hala nɔ hɔlten o kela vanacieo coo, o co foofola ndɔlan kpede mɛɛndianndo.

Condii lisai 10:11

O kon o dimi dɔ́ɔ́ aa: «Hala pɔɛɛnun, o kumbu hɔlla, o co lɛ ɲɛ-ɲɛ cɔ le.»

Condii lisai 25:7

Yiyan ndɛ hakila ya tosa o felengiyɛi nin-ndan a nila kalula ya tosa lan te. Kɛ yiyan bii ya mɛɛ n lò o lediom coo yɛ, a mɛɛ vanakɛndɛyɛi nɔmnde co yɛ, Mɛlɛka.

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Esai 44:19

Vana-vana co yiyan te, vana-vana nɔ kɔlkalu, te kon te sinapɛngu le dimio le aa: «I lom yɔmndo ho o tiŋ o yin te. I lom bulu nuu o dɛngulta yɔmndo ho coo, mí tuɛi vision, mí dia mun a yɔmnde he, mí tosa dɛnɛ nɔɔlɛiyo a yɔmii tɔ̀ɛi lo ya o ba-e, mí baŋ vulan yɔm ibungaa o labɛngunin.»

Esai 5:12

O kafola ndala diaalan coo, bangalan, bondomalan, dundulan, sɛ̀ŋndan a mɔiyan tuŋ vana ca ni. Kɛ a nɔ kpeku a dɛnɛ Mɛlɛka-o le, a co dɛnɛ Mɛlɛka tosa a bala ndɔlan-ndo cɔ le.

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Yeremi 16:17

Kani i nɔ hɔlten o kela ndaa kpow coo, kela ndaa co o viannan ya o hɔl te, hakila ndalan la co ya o hɔl kpendekele.

Yeremi 17:1

«Haki Yudaa co mɛɛ vana sɛva sɔɛi pum a tuɛndɔɔ, te kon te a pɔɔndɔɛi diamannde yɛ. O co nda o sɛvaa o lakɔl a o kpɛ̀ɛ́n fondala-loamaa-lasálàlan coo.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

Yeremi 44:21

Sálàla niaa va lomɔɔ o kobilan Yuda nin a o nɛilan Yerusalɛm coo niaa fuɲaa niaa, masaa niaa, simlacia niaa a vannda kpow lan, vɛ̀ɛ̀ o co a lan o kɔɔ le Mɛlɛka co sɔɛi he nuaa le? Niaa ca ko aa o pɔɛɛnun?

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Osee 4:9

Kɛ mɛɛ ya tosanin a vanaa tɔ̀a yɛ, lende koni ya tosanin a vanaa-solia-lasálàá ni. I tosanin mì dɛnnda ndalan la mingulun nda pila.

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Amɔs 8:7

Lelan, Mɛlɛka mɛnan a lɛŋnde yungu Yakɔb-o tiindan-nden aa: «Le fɛɛn a fɛɛn, i pɔɛɛnunnin dɛnnda ndalan o pilɛ le.»

Yonas 1:2

«Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Luke 12:2

Ɲɛ-ɲɛ co o kumbaa, o fulanin ceen kpendekele. Ɲɛ-ɲɛ co vɛlɛ o vianaa, vannda sinanin ndu.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.