Osee 7:15 - BII BILA

¹⁵ Ya yɛ, ya pɛɛku nda ni, ya luei bala ndalan yoomuan ni, kɛ yiyan vɔɔndo koni nda nɔ a ya ni.

Osee 7:15 Iomraidhean Croise

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

2Masaa 13:5

Mí Mɛlɛka yɔngu Israɛlla vana baŋaa. Má fula o ba Aramiia bɛngu, má muungu o cɛila-kolala-toandaala ndalan nin maa o tasendɔ.

SƐBƐ YƆB-O 5:17

A toɲa, dɛnɛ kɛndɔɔ co le vana kon, vana Hala cɔm tɛɛmbuu ndɔɔ-o, Lelan, pɛɛsa sila Hala Vana-Kpaayaa-Kpow le.

Condii lisai 140:2

Éé Mɛlɛka! Baŋa ya vanaa yɔŋ vɔɔnda o ba, kanda ya le vanaa kɔlvesɛiya.

Condii lisai 2:1

Le yɛɛ vanaa-mangalaa-isɔɔa co yɛ vɔkɔ-vɔkɔɔ ho? Le yɛɛ vanndacieea co yɛ dúmbúlan yiiyo fondo fúú?

Condii lisai 62:3

Ndu kínɛí co pow kpovaa, cindaa, a kpaki nuu ni, i boŋnin lɔ́ɔ́-lɔ́ɔ̀ le.

Condii lisai 94:12

Duaa co le vana n co silaa a sionnden-ndo Mɛlɛka, vana n co tɔŋ nɔmndo pɛɛkoo

Talelan 3:11

Po nuu sei! Ca sila Mɛlɛka-o ɲɛ fondoo le, nɔ nɛyɔnndo a kanalan ndɔɔ le.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Osee 13:9

Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

Nahum 1:9

«Vɛ̀ɛ̀ niaa co yɛ yiyanndo a Mɛlɛka o kɔɔ? Ndu co yaamɔaa niaa tɛɛmbuuo ni, o kon dɛnɛ palaa tul lɛnin niaa coo o diinndɔɔ le.

Dɛnnda kiilaa 4:25

Nɔm tosa ni mí Hala Kɔl-Diandaa luɛi David fuɲa naa mamaa nin, David vana nɔm baala pɛɛn, mó dimi aa: ‹Le yɛɛ nɛ vanaa-mangalaa-isɔɔa co yɛ vɔkɔ-vɔkɔ hoo? Le yɛɛ nɛ vannda co yɛ dúmbúlan yiiyo o fondoo coo?

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Hebreea 12:5

Vɛ̀ɛ̀ la pɔɛɛnun sɔɔn Hala dimul niaa le niaa yoomuan lueiyo maa cuavaa ndɔ-on? «Po nuu, Mɛlɛka saangiaa nɔm pɛ le dɛnɛ vɔɔn n tosa-o, ca sɔɛi ken sɔɛi taanin te. Te o soo pɛ nɔm, vu n'dial te.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.