Osee 7:14 - BII BILA

¹⁴ A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Osee 7:14 Iomraidhean Croise

Fulaa 32:6

Le hee, diimandɔɔ idiiyo púŋ, mí vannda solul piɔm kon sálàla loamaalan a sálàla kɔlɲululan. Mɛɛ nda cii, má cal le ɲɛdiaa dioo a le kolɔɔ, o kon kɔɔli, má can pisulta bɛɛ tambɛilan.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Esai 52:5

Sisa yɛ vɛlɛ niko, yɛɛ nɛ ya bɛnda yɛ mi tosa? Kani (vannda) cua yungu nuu fondo fúú a paa-kala?» Mɛlɛka ɲuna nuaa ni. «Vanaa kɔlvesɛyaa ndaa co yoondiaa.» Mɛlɛka soo nuaa ni. Diola nilan la co niinoo tɛɛmbɔnndo kpɛŋ.

Esai 65:14

Àá mbɔ̀! Vanaa niaa baalaa viawnin kponyoo a yoondiaalan, kani dɛnɛ kɛndɔɔ a ɲaaloo vanin nda o kɔl. Kɛ niaa la vanin koŋullo le sanga vanin niaa o kɔl-lo, kɔlta niaalan la sanganin háá mì la ŋɔɔcian.

Yeremi 12:2

A tɔl nda, má luei puundon, má sul, má va kullon komɔɔ. Diola nɔmndan la fula nda o sondo le, kɛ kɔlta ndalan la co levil a nɔm.

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Cɛɛŋɔnnda Yeremi lan 2:18

Vanaa co icali Siɔn-nda soli diomndan o lepilɔɔ o Mɛlɛka lo. Kpakio Siɔn, paalen a ɲumndan, va mɛmɛma nɔmndan tuisio maa pee pɔmbɔ. Cɛl mà pɛngi le, yɔngu hɔlta nɔmndan pɛngio le few.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 13:9

Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

Osee 3:1

Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Osee 8:2

À yondanin o ya lo aa: ‹Hala naa, n sinà nɔm, naa Israɛlla.›

Amɔs 2:8

A co keiyo hinilan o máánndan ikɛi o volɔɔla nda bii o landei nin-ndan coo. A co mɔima vanaa nda luei bɔnɔɔ-an kolɔɔ o cɛila biilaala hala ndaa nin.

Amɔs 8:3

Paale len, caŋndan la vanin condon o cɛi lemasaa nin ni. Lende ya Maalii, ya co Mɛlɛka-o dimi ni. A vanin vanvílɛ́iya taw-taw viovɔɔ nɛɛ-nɛɛ ka o mei bɛndoo nin kpili-kpili.»

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Nsaki 4:3

La co ɲunaa, kɛ la co sɔla le, kani la co caa ɲunaa le, le yeemɛi niɛi tosaa daama niaa co ɲunaa ni.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Masaa kialaa n'yamaa 9:27

Má kɔa o ciɛɔn n'rɛsɛŋun ndan nin, má kiandu rɛsɛnndon, má toosiaa mɔiyan a mun, má tuisi kafoo, má kɔa o cɛi máán hala ndaa nin, má dia dió kafoo, o kon má mɛna Abimelɛk.