Osee 7:1 - BII BILA

¹ «telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

Osee 7:1 Iomraidhean Croise

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Esai 59:12

Kani yɔŋnda naala vɔɔnndan la co bɔɔ sɛ́lɛ́ nɔm o hɔl, nduyɛ hakila naalan la co naa seilen tɛndallo. Yɔŋnda naala vɔɔnndan la co naa lakayakayanndan. N co vɛlɛ biondɔnnda naalan sinaa válán.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Esai 59:14

Le ken naa n ɲindu yamɛi sandɛi kɔɔli ni, mí dɛnɛ sandaa va naa levil lándán. Kani toɲaa co boŋiboŋio o falle nin, dɛnɛ sandaa nɔla fondaa sɔlaa lon te few.

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Esekiɛl 23:4

Diola cua tasoo aa Ohola, diola pɔmbɔ ndɔlan aa Oholiba. Nda ŋiɔn kpede, le ya Mɛlɛka ndáà va ni, má vialu poaa a cuavaa laandua. Le diola ndalan yɛ, Ohola ndu co Samari ni, Oholiba ndu co Yerusalɛm ni.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Osee 4:17

Polale Efraim-nden le del piɔmnda kɔɔli. La mal nda lon!

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Osee 7:13

Dɛnɛ palaa co nda cum le ɲaanɔn nda ɲaanun ya-o! Mɔnɛi co nda laci le tùú nda simul-la-o! Yáà yeema le nda ciindiaa, kɛ còòlan kposon nda co ya dimullo ni.

Osee 8:5

Éé niaa Samaria! La viow nin naw tova téndé niaa cɔw hoo a sianion-ndo. La tùùlú ya bɔɔ kɔllo nin. Háá lɔ́ɔ́ kuɛɛ niaa lo yɛnin bumbaa le dɛnnda vana yaala niaa coo le lan tosaa?

Osee 8:9

Kani Asiri nda kɔɛnnun ni. Sofɛlɛ yondo connun o ba ndɔɔ coo, kɛ polale Efraim-nden, bɔnɔɔ nda luɛi le sámáá sɔlaa ni.

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Amɔs 3:9

‹La heelu diomndan mì la yonda taw-taw o cɛila lemasalan Asdɔd nin a o cɛila lemasala co o lɛŋnde Esipte len nin-ndan nin! La yonda aa: La cuungian o pembon Samari coo, mì la ce dɛnɛ laasiɛiyo a kɔlvesɛi co tosanndo Samaria tɛɛn-ndo.

Amɔs 8:14

A co kan mɛnanndo a hakio Samari, má va dimio-a aa: «Le hala nɔm yoomaa, Dan…! Le nɛi diandaa yaa vana Bɛɛr-Seba-o…!» Nda kpede, a co delɔɔ, à cen ndɛnin isisi le.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!