Osee 6:9 - BII BILA

⁹ Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Osee 6:9 Iomraidhean Croise

O Kandɔɔ 12:6

mí Abram kei o lɛŋnden tɛɛn, mó kɔa háá o fonda nɔ diolan aa Sikɛm-ndo, má tiiya nɛɛ yálán Mamre-o va-a. Telen kon, Kanannda va icali o lɛŋnde len nin.

1Masaa 12:25

Mí Yeroboam siinguu kobio Sikɛm kobi mayoomoo o tàndà n'pembu Efraim-ndo nin, mó cal lon. O kon kɔɔli, mó can ndon, mó kɔ tangul vɛlɛ kobio Penuɛl.

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Yeremi 11:9

O kon kɔɔli mí Mɛlɛka dimul-la aa: «Yudaa a Yerusalɛmnda cii dúmbóó yii.

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Esekiɛl 22:9

Vanaa co vannda sɔɔn handɔɔ coo le nda diwvo-a a co nanu, vannda pum co kùlon dioo.

Esekiɛl 23:27

Lende ya kpaanin suunda nɔmndo a dɛnnda nɔmnda nɔɔlɛila n kandu tosa Esipte pɔ́ lan ni. O kon, a muli lɛnin hɔlla o vanaa kan ndo le, a ve lɛnin loonɔnndo a Esipte o kɔɔ le.

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Osee 5:2

À tow soon bɛndu-bɛndoo Sitim. Kɛ i co nda kpede dɛnnda palaalan tuisi coo le ken.

Osee 7:1

«telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Marke 14:1

Ndóò lo palɛi ndii ŋiin, mì kafo-hiavaa-coo a kafo bulu toosian a lɛvɛn too ndóò tiiya. Mí bolii vanaa-solia-lasálàá a vanaa pɛɛkaa latɔŋnda can nɛilan nuwviaa le Yeesu biyɔɔ a kɔlkalu vɔɔndo, le ndu diyɔɔ.

Nsaŋ 11:47

O kon mí bolii vanaa-solia-lasálàá a Faliisia mɔɔsiaa vanaa kialaa n'yamaa lelɛŋnda, má dimul nda aa: «Vɛɛ naa n co yɛ tosa? Kani langbanɔɔ ho co bɔɔ dɛnnda kaamaalan tosaa.

Dɛnnda kiilaa 4:24

Ndáà tueyɔɔ sɔɔn mun, mí nda kpow a piɛi Hala o diom pilɔɔ nin aa: «Mɛlɛka, nɔm cɔw halataalaa, lɛŋnden, mɛmma ihɛllan a ɲɛm co lenin-ndon kpow ni.