Osee 6:5 - BII BILA

⁵ Lelan ya co kei a vanaa-tɛɛngaa-diom Hala-a ni, mì tuisi niaa sangalan coo. Lelan ya diwnin niaa a sɔɛi fulanin ya o sondo-e ni. Yamɛi nii tenganin vakpa maa ɲɛ-tengaa lepala.

Osee 6:5 Iomraidhean Croise

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

1Masaa 14:6

Mɛɛ Ahiya tuei pelun ndɔn diom le hunɔɔ luɛyɔɔ cɛinin, mó dimi aa: «Lanɔɔ Yeroboam, le yɛɛ n yeema yɛ le tosaa maa vanalanɔ celen n co ni? Luɛi niko, kani i nɔ yoongoo pum le nɔm, kɛ o co yongu kɛndɛ le.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Masaa 18:17

Ndóò cɔu dɔ́ɔ́ Elii, mó dimul ndu aa: «Má cè nɔm! Nɔm co hoo dɛnɛ palaa tuisio Israɛlla coo-o!»

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

2Dɛnnda lemasalan 21:12

Paale pilɛ, mí Yoram sɔla sɛbɔɔ fulaa Elii vana-tɛɛngaa-diom Hala-o o ba, mó dimul ndu aa: «Mɛlɛka Hala David fuɲa nɔm mamaa dimi maa le tùú n kɛɛ le kelaa o nɛila Yosafat fuɲa nɔmndan a o nɛila Asa masaa Yuda lan coo-o,

SƐBƐ YƆB-O 15:30

O helunnin ɲumndan lɔ́ɔ́-lɔ́ɔ̀ le. O vanin maa yɔm yinnden le cii tɛyun ndɔn loomɔɔ-o, Hoeyii Hala-e viwanin ndu o lepilɔɔ polon.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Condii lisai 37:6

O cɔmnin sandii nɔmnde vakpa maa ɲɛ-tengaa paale siaa, mò cɔm dɛnɛ sandaa nɔmndo mɛɛ ɲɔɔ tenga a paale kálà-kálàlen nuaa yɛ.

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.

Yeremi 13:13

a dimul nda aa: ‹O Mɛlɛka dimio co hoo ni aa: I co tosa mì mɔiyan ma bii vanaa co o lɛŋnden nden nin-nda kpede, masaa co icali o kpɛŋɛ lemasa David-o nin-nda, vanaa-solia-lasálàá, vanaa-tɛɛngaa-diom Hala-a a vannda Yerusalɛm kpow.

Yeremi 23:29

Sɔɛi fula Mɛlɛka o sondo-e co hee ni aa: Maa leyin sɔɛi nii co ni, maa kunduva pesipesi pow bandíláà-o.

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Esekiɛl 11:4

Lelan, tɛɛngul nda diom fula Hala o sondo-o, tɛɛngul nda ndu, nɔm Po vanacieo.»

Esekiɛl 3:9

I siinguunin bolle nɔmnden lekala kpoke maa idiaman, le hiawnin pow kpovaa kaloo. Le hee, yɔŋ isiòòn a nda le, ɲiiya nda o hɔl te, kani vanaa nila kalua nda co o lepola ni.»

Esekiɛl 32:18

«Po vanacieo sei, somisomin sɛ́lɛ́ bɛndoo Esipte coo. Tuisi nda a cuavaa vanaa-mangalaa-isɔɔa kpaaya bɛndua latulu o puuloo bɛngu lɛŋ di-di, nɛɛ vanaa co tolɔɔ o soon yingilaa nin-nda co-a.

Esekiɛl 43:3

Vundule ya ce len-nden léè velan a vundule yáà ce lɔ́ɔ́ yáà hin le kobio tɛɛmbuuo-o len, vunduma miɔmma man maa velan a vundule yáà ce o peo Kebar kɔngɔ len. Mɛɛ ya ce len, mí del lɛŋ o kuumbuan o kɔl coo.

Sofoni 3:5

Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Dɛnnda kiilaa 7:31

Moise cɔu dɛnɛ kon, mó dɔawnun kɔndɔfili. Kɛ telen o va sɔɔnguuo macɛlu le tofaa-o, mó tuɛi diom Mɛlɛka-o ndu dimullo aa:

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Dɛnnda cɔɔmuanndan 1:16

Loeon va ndu o ba kɛndɔɔ mún ŋɔmmɛw, mɔɛi sondola tiɔɔŋii cɛɛŋɛi va ndu fulaa o sondo, hɔlaa ndɔa va volio maa paale kala ŋama-ŋama.

Dɛnnda cɔɔmuanndan 2:16

Lelan mangalan, te o co kon te, i co lakɔ o nɔm ndo sunsun, mì kɔ cɔlɔba nda a mɔɛi cɔvii co ya fulaa o sondo-e.

Dɛnnda cɔɔmuanndan 9:15

Má timbi mɛlɛkaa hiɔɔlua kan. Le telen kon, paale len, paangii ken a le vɔsi kon nda va a bɛɛndiannda ni, haliko, vanndacieea piɔwvo kundalan tan yáá, a diw kundaa pilɔɔ.

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

1Samiɛl 15:32

O kon kɔɔli, mí Samiɛl dimi aa «La cuu ya Akak, masa Amalɛkea.» Mí Akak sɔɔnguu a kɔlkɛndɔɔ, kani o va dimio o kɔl nin aa: «A toɲa, nihau ndu, kpundɛ piɔ́mndo kɔɛ ya levil.»

1Samiɛl 15:33

Kɛ mí Samiɛl dimul ndu aa: «Mɛɛ mɔɛi nɔmii cɔwve mɛi vanlaandua bɔɔ-bɔɔ kɔɔla fondo yɛ, lende koni kala nɔm co hau lo kɔɔ fondo vanlaandua tɛɛn ni.» Mí Samiɛl dii ndu Mɛlɛka o hɔl Kilkal lon.