Osee 6:3 - BII BILA

³ Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Osee 6:3 Iomraidhean Croise

2Samiɛl 23:4

maa ɲɛ-tengaa paale siaa masa kon co ni, maa ɲɛ téngà tuma yumbuyumbu ve coocoo loo o co ni. Piɔɔ sia pɛ mì ɲɛ-tengaa kon fula, hangulu ndɔɔ tòsá bil kiyɛiyo fula lɛŋ.

SƐBƐ YƆB-O 29:23

Cumndo ndáà cum ya ni, mɛ̀ɛ́-mɛ̀ɛ́ vana cum piɔɔ le siaa nuaa yɛ, A va sondolan kumbio le cumndo mɛɛ vana cum piɔɔ sialte tasoo nuaa yɛ.

Condii lisai 19:4

O co sɔɛi sondo le, diom co fula le, vana co ɲɛ-ɲɛ tueyɔɔ a lani le.

Condii lisai 19:6

Mɛɛ vanapɔnɔ cua lanɔɔ sɛnɛiyo fula o ndu lo cɛinin nuaa yɛ, mɛɛ vana ɲaananndo va a ɲaaloo le ɲaanɔnndo o nɛi nuaa yɛ, lende koni paalen le can ni.

Condii lisai 63:8

Kani nɔm co vana co ya malaa-o ni. I co yondaa a ɲaaloo o vunduma kumbannda nɔmndan bɛngu.

Condii lisai 65:9

Siòònde bii vanaa co o lɛŋnde mɛɛlulan-nda le dɛnnda kaamaala nɔmndan. Vanaa co ba paalen le can-ndo-a a vanaa co ba paalen le del-lo-a a co yondaa a kɔlkɛndɔɔ.

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Osee 14:5

I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.

Osee 14:6

I vanin maa mɔ́m le Israɛlla, a yandunin maa bil cun kɛndɛ. À lueinin puundun ndan lɛŋ maa yɔmii sɛɛdrei Liban.

Osee 2:20

Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Sakari 10:1

«La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Luke 1:78

A toɲa, Hala naa nɔ bɔɔ dɛnɛ kɛndɔɔ, o solinin ɲɛ-tengaa fulaa coocoo, mò dindi naa maa ɲɛ-tengaa paale siaa,

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Tɔŋ miingua 32:2

Silala nilan la co cucɔnndo mɛɛ piɔɔ sia nuaa yɛ, sɔɛi nii co delio mɛɛ kɛmndan ma cɛɛluu nuaa yɛ, pɛɛkula nilan la co cucɔnndo mɛɛ mɔ́mndo cucun o yondo puiyaa coo nuaa yɛ.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»