Osee 6:2 - BII BILA

² O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Osee 6:2 Iomraidhean Croise

O Kandɔɔ 17:18

Mó dimul Hala aa: «Ya ya, ɲɛ ya yeema nɔm o ba-o co ni, nɔ́ hɔlten Ismaɛl coo mà dɔw ndu duaa.»

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

Condii lisai 61:7

Cɔɔlu yoomu masaa bɛndi, mì vɔsila ndɔlan la cɔɔlun le fɛɛn a fɛɛn.

Condii lisai 71:20

A tɔɔndan bɛɛ ya a dɛnnda imɔnɔlan a á dɛnnda palaalan nuaa taw, kɛ a mingin yoomoo ya o milin, a solinin ya o lɛŋnden bɛngu, o sɛiyo nin pɛɛn.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Esai 30:26

Ɲɛ-tengaa ipaangoo vanin diondɔɔ maa ɲɛ-tengaa lepala. Kɛ ɲɛ-tengaa lepalaa ndu cɔɔlunin diondɔɔ bɛmbɛ leŋɔmmɛw hiovɔɔ o paandoo coo. O diandunin mɛɛ vana cuungiaa ɲɛ-tengaa lepala diandu palɛi ndii ŋɔmmɛw-vo nɛɛ pilɛ nuaa yɛ. Kon tosannin telen Mɛlɛka holnin paw vanaa ndɔa mò singi pavii o soli nda o n'dial a lɔɔ-e o.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Rɔmnda 14:8

Kani te n co pɛ yoomu, le Maalii naa n co yoomu ni. Te n vi yɛ pɛ, le Maalii naa n co vuo ni. Lelan n va yoomu, n vu, le Maalii naa co ni.

1Korɛntea 15:4

Má kumbu ndu, o paale yàándɔlen coo, mó tendul maa mɛɛ o sɛvan yɛ.